Green Chilli Chicken Fry: पुदीना, कोथिंबीर आणि हिरवी मिरची वापरून झणझणीत 'ग्रीन चिली चिकन फ्राय' कसं बनवायचं? यासाठी लागणारे साहित्य, सोपी कृती आणि चव वाढवणाऱ्या खास टिप्स याबद्दलची संपूर्ण रेसिपी इथे जाणून घ्या.
नेहमी तेच ते चिल्ली चिकन, पेपर चिकन किंवा चिकन ६५ खाऊन कंटाळा आलाय का? मग यावेळी घरी 'हिरवी मिरची चिकन फ्राय' नक्की बनवून पाहा.
हिरव्या मिरचीचा तिखटपणा, पुदीना आणि कोथिंबिरीचा सुगंध, सोबत आलं-लसणाची चव.. हे सगळं मिळून चिकनला एक भन्नाट चव देतात.
यात नेहमीचं लाल तिखट न वापरता, हिरवी मिरची प्रामुख्याने वापरली जाते. भात, चपाती किंवा परोठ्यासोबत खायला हा एक उत्तम पर्याय आहे.
घरात उपलब्ध असलेल्या मोजक्याच साहित्यातून हॉटेलसारखं 'ग्रीन चिली चिकन फ्राय' कसं बनवायचं, ते आपण पाहूया.
210
ग्रीन चिली चिकन फ्राय: लागणारे साहित्य
चिकन मॅरिनेट करण्यासाठी:
चिकन - ५०० ग्रॅम
पुदीना पाने - १/२ कप
कोथिंबीर - १/२ कप
मोठा कांदा - १
लसूण - ६ पाकळ्या
आलं - १ छोटा तुकडा
हिरवी मिरची - ४ ते ६
दही - ३ चमचे
हळद - १/४ चमचा
मीठ - चवीनुसार
फोडणी आणि शिजवण्यासाठी:
तीळ तेल (किंवा गोडेतेल) - ३ चमचे
दालचिनी - १ छोटा तुकडा
लवंग - ३
बडीशेप - १/२ चमचा
मोठा कांदा - १
हिरवी मिरची - २
गरम मसाला - १/२ चमचा
लिंबू - १/२
पाणी - गरजेनुसार
310
ग्रीन चिली चिकन फ्राय कृती - पहिली स्टेप
हिरवा मसाला तयार करा:
एका मिक्सरच्या भांड्यात पुदीना, कोथिंबीर, एक मोठा कांदा, लसूण, आलं, हिरवी मिरची आणि दही एकत्र करा. हे सगळं एकदम बारीक वाटून घ्या. वाटताना गरज वाटल्यास थोडं पाणी घालू शकता.
410
दुसरी स्टेप
चिकन मॅरिनेट करा:
स्वच्छ धुतलेल्या चिकनमध्ये तयार केलेला हिरवा मसाला घाला. त्यात मीठ आणि हळद टाकून सगळं व्यवस्थित मिक्स करा. हे चिकन किमान २० मिनिटे असंच मुरत ठेवा.
510
तिसरी स्टेप
फोडणी द्या आणि कांदा परता:
एका कढईत तेल गरम करा. तेल तापल्यावर त्यात दालचिनी, लवंग आणि बडीशेप टाकून फोडणी द्या. त्यानंतर बारीक चिरलेला कांदा आणि उभ्या चिरलेल्या हिरव्या मिरच्या घालून कांदा सोनेरी रंगाचा होईपर्यंत परतून घ्या.
610
चौथी स्टेप
मॅरिनेट केलेले चिकन मिक्स करा:
आता या फोडणीत मॅरिनेट केलेलं चिकन घाला आणि चांगलं हलवून घ्या. वरून गरम मसाला टाका आणि मध्यम आचेवर काही मिनिटे परतून घ्या. मसाला चिकनला व्यवस्थित लागेल, याची काळजी घ्या.
710
पाचवी स्टेप
चिकन शिजवा:
चिकन शिजण्यासाठी गरजेनुसार पाणी घाला. कढईवर झाकण ठेवून मध्यम आचेवर सुमारे २० मिनिटे चिकन शिजू द्या. मध्ये मध्ये ते हलवत राहा. चिकन पूर्ण शिजल्यावर झाकण काढा. जर पाणी जास्त वाटत असेल, तर ते आटवून घ्या आणि मसाला चिकनला चांगला चिकटेपर्यंत परता.
810
सहावी स्टेप
लिंबाचा रस घाला आणि उतरवा:
शेवटी अर्ध्या लिंबाचा रस पिळून घाला आणि चिकन पुन्हा एकदा चांगलं मिक्स करा. एक मिनिटानंतर गॅस बंद करा. तुमचं झणझणीत आणि चविष्ट 'ग्रीन चिली चिकन फ्राय' तयार आहे.
910
कशासोबत खायला मज्जा येईल?
हे गरमागरम ग्रीन चिली चिकन फ्राय तुम्ही भात, चपाती, परोठा, डोसा किंवा इडियप्पमसोबत खाऊ शकता. मसाला चिकनच्या तुकड्यांना व्यवस्थित लागलेला असेल, तर प्रत्येक घासात एक वेगळीच चव जाणवते.
1010
ग्रीन चिली चिकन फ्राय अधिक चविष्ट बनवण्याच्या टिप्स
तिखटपणा तपासा: हिरव्या मिरचीचा तिखटपणा वेगवेगळा असू शकतो. त्यामुळे सुरुवातीला ३-४ मिरच्याच वापरा आणि नंतर गरजेनुसार वाढवा.
मसाल्याचा सुगंध: पुदीना आणि कोथिंबीर एकदम ताजी वापरली, तर चिकनला खूप छान सुगंध येतो.
चिकन कोरडे होऊ नये म्हणून: शिजवताना जास्त पाणी घालू नका. चिकन शिजण्यापुरतंच पाणी घाला आणि शेवटी उरलेलं पाणी आटवून घ्या.
फ्राय टेक्सचर हवंय? चिकन पूर्ण शिजल्यावर झाकण काढून मध्यम आचेवर सतत हलवत परतून घ्या. यामुळे मसाला चिकनला छान चिकटून राहील.
नेहमीच्या चिकन रेसिपीपेक्षा काहीतरी वेगळं ट्राय करायचं असेल, तर हे ग्रीन चिली चिकन फ्राय नक्की बनवून पाहा. पुदीना, कोथिंबीर आणि हिरव्या मिरचीचा सुगंध तुमच्या जेवणाची रंगत नक्की वाढवेल.
Lifestyle News in Marathi (जीवनशैली बातम्या): Get the latest lifestyle news updates, fashion trends, and beauty tips in Marathi. Read रिलेशनशिप टिप्स, हेल्थ टिप्स, Travel News & Watch Marathi Lifestyle Video at Asianet Marathi News.
