Somvati Amavasya 2026 : सोमवती अमावस्या १४ की १५ जून? जाणून घ्या योग्य तारीख, मुहूर्त आणि उपाय

Somvati Amavasya 2026 : यंदाच्या वर्षामध्ये मध्ये येणारी सोमवती अमावस्या नक्की कधी आहे? १४ जून की १५ जून? या दिवशी व्रत कधी करायचं, स्नान आणि दानासाठी शुभ मुहूर्त कोणता आहे आणि या दिवशी कोणते उपाय केल्याने फायदा होतो? याबद्दलची सर्व माहिती जाणून घेऊया.

Somvati Amavasya 2026 Date : आपल्या धर्मग्रंथांमध्ये अमावस्या तिथीला खूप महत्त्व दिलं गेलं आहे. या तिथीचे देव पितर मानले जातात. त्यामुळे या दिवशी पितरांच्या शांतीसाठी खास उपाय केले जातात. जेव्हा ही अमावस्या सोमवारी येते, तेव्हा तिला 'सोमवती अमावस्या' म्हणतात. इतर अमावस्यांपेक्षा ही अधिक शुभ मानली जाते. यावर्षी जून २०२६ मध्ये सोमवती अमावस्येचा योग जुळून येत आहे. विशेष म्हणजे हा योग ज्येष्ठ अधिक महिन्यात येत आहे. उज्जैनचे ज्योतिषी पंडित प्रवीण द्विवेदी यांच्याकडून जाणून घेऊया सोमवती अमावस्येची नेमकी तारीख, शुभ मुहूर्त आणि उपाय…

जून २०२६ मध्ये सोमवती अमावस्या कधी आहे?

पंचांगानुसार, ज्येष्ठ अधिक महिन्याची अमावस्या तिथी १४ जून २०२६, रविवारच्या संध्याकाळी सुमारे ०६ वाजून ५२ मिनिटांनी सुरू होईल. ही तिथी दुसऱ्या दिवशी, म्हणजे १५ जून, सोमवारच्या रात्री सुमारे ०८ वाजून २८ मिनिटांपर्यंत राहील. हिंदू धर्मात सूर्योदयाची तिथी मानली जाते. अमावस्या तिथीचा सूर्योदय १५ जून, सोमवारी होणार असल्याने, याच दिवशी सोमवती अमावस्येचा सण साजरा केला जाईल.

सोमवती अमावस्या २०२६ स्नान-दान मुहूर्त

सोमवती अमावस्येच्या दिवशी ब्रह्म मुहूर्तावर स्नान, पूजा आणि दान करण्याला विशेष महत्त्व आहे. यासाठी शुभ मुहूर्त खालीलप्रमाणे आहेत-
ब्रह्म मुहूर्त: सकाळी ०४:०५ ते ०४:४५ पर्यंत
पुण्य काळ: सकाळी ०५:२८ ते दुपारी १२:१५ पर्यंत
दानासाठी श्रेष्ठ वेळ: सकाळी ०६:०० ते ११:३० पर्यंत

सोमवती अमावस्येचे उपाय

१. सोमवती अमावस्येला पितरांच्या शांतीसाठी श्राद्ध, तर्पण आणि पिंडदान वगैरे करावे. यामुळे पितृदोष शांत होतो.
२. सोमवार हा शंकराचा दिवस आहे. या दिवशी शिवलिंगावर रुद्राभिषेक करणे आणि महामृत्युंजय मंत्राचा जप केल्याने मनोकामना पूर्ण होतात.
३. सोमवती अमावस्येला अन्न, वस्त्र, तीळ, काळे उडीद, तूप आणि दक्षिणा दान केल्यास पुण्य अनेक पटींनी वाढते.
४. या दिवशी पिंपळाच्या झाडाची पूजा केल्याने सर्व प्रकारची सुखं मिळतात, अशी मान्यता आहे.
५. सोमवती अमावस्येला 'ऊं नमः शिवाय' या मंत्राचा जप करावा. यामुळे आयुष्यातील अडचणी दूर होऊ शकतात.

Disclaimer : या लेखात दिलेली माहिती धर्मग्रंथ, विद्वान आणि ज्योतिषी यांच्याकडून घेतलेली आहे. आम्ही फक्त ही माहिती तुमच्यापर्यंत पोहोचवण्याचे माध्यम आहोत. वाचकांनी या माहितीला केवळ एक सूचना म्हणून विचारात घ्यावे.