Shani Jayanti 2026 : शनि जयंतीला चुकूनही करू नका या ५ चुका, नाहीतर शनिदेव होतील नाराज!

Shani Jayanti 2026 : हिंदू पंचांगानुसार, दरवर्षी ज्येष्ठ अमावस्येला शनि जयंती साजरी केली जाते. असं मानलं जातं की याच दिवशी सूर्यपुत्र शनिदेवांचा जन्म झाला होता. या दिवशी काही चुका करणं आवर्जून टाळायला हवं.

Shani Jayanti 2026 Date: यंदा शनि जयंतीचा सण १६ मे, शनिवारी साजरा केला जाणार आहे. या दिवशी शनिदेवाची पूजा करणे, तेल अर्पण करणे आणि दान-पुण्य केल्याने शनि दोष, साडेसाती आणि ढैय्याचा अशुभ प्रभाव कमी होऊ शकतो, असं मानलं जातं. शनि जयंतीच्या दिवशी काही कामं करणं टाळावं असं सांगितलं जातं. असं म्हणतात की या चुकांमुळे शनिदेव नाराज होऊ शकतात. चला तर मग जाणून घेऊया अशा कोणत्या ५ गोष्टी आहेत ज्या या दिवशी करू नयेत…

गरीब आणि गरजूंना अपमानित करू नका

ज्योतिषशास्त्रानुसार शनिदेवाला न्यायाची देवता मानलं जातं. शनिदेव हे गरीब आणि गरजू लोकांचे प्रतिनिधी मानले जातात, त्यामुळे शनि जयंतीच्या दिवशी कोणत्याही गरीब, वृद्ध, मजूर किंवा गरजू व्यक्तीचा अपमान करणं टाळावं. जी व्यक्ती असं करते, तिला शनिदेवाच्या क्रोधाचा सामना करावा लागतो, असं म्हणतात.

लोखंडाच्या वस्तू खरेदी करणं टाळा

धार्मिक मान्यतेनुसार, शनि जयंतीच्या दिवशी लोखंडापासून बनवलेल्या वस्तू खरेदी करणं शुभ मानलं जात नाही. इतकंच नाही, तर या दिवशी तेलही खरेदी करू नये. ज्योतिषशास्त्रानुसार, या दोन्ही गोष्टी शनिदेवाशी संबंधित आहेत. त्यामुळे शनि जयंतीला या वस्तू खरेदी करणं टाळा.

तामसिक जेवण करू नका

जर तुम्ही मांसाहार आणि मद्यपान करत असाल, तर शनि जयंतीच्या दिवशी हे करणं चुकूनही टाळा. या दिवशी दारू, मांसाहार आणि इतर तामसिक पदार्थांपासून दूर राहा. शनि जयंतीला फक्त सात्विक जेवणच करा, नाहीतर भविष्यात तुमच्या अडचणी वाढू शकतात.

पिंपळ आणि शमीच्या झाडाला इजा करू नका

पिंपळ आणि शमी, ही दोन्ही झाडं शनिदेवाशी संबंधित मानली जातात. शनि जयंतीला पिंपळ आणि शमीच्या झाडाची पूजा करावी. या दिवशी ही झाडं तोडणं किंवा त्यांना कोणत्याही प्रकारची इजा पोहोचवणं अशुभ मानलं जातं. त्यामुळे अशी चूक चुकूनही करू नका.

खोटं बोलणं आणि राग टाळा

शनिदेव आपल्या कर्मांनुसारच चांगलं आणि वाईट फळ देतात. त्यामुळे शनि जयंतीच्या दिवशी कोणाशीही खोटं बोलू नका, कोणाची फसवणूक करू नका आणि कोणावरही रागवू नका. जी व्यक्ती असं करते, तिच्या आयुष्यात समस्या कायम राहतात, असं मानलं जातं.

(Disclaimer : या लेखातील माहिती धार्मिक ग्रंथ, विद्वान आणि ज्योतिषी यांच्याकडून घेतली आहे. आम्ही फक्त ही माहिती तुमच्यापर्यंत पोहोचवण्याचं एक माध्यम आहोत. वाचकांनी या माहितीकडे केवळ एक सूचना म्हणूनच पाहावं.)