Rose Day : व्हॅलेंटाईन वीकमधल पहिला दिवस रोझ डे का साजरा करतात? जाणून घ्या इतिहास
सार
Rose Day Significance: रोज डे का साजरा केला जातो? व्हॅलेंटाईन वीकची सुरुवात, रोज डे चा इतिहास, महत्त्व आणि गुलाबाच्या रंगांचा अर्थ जाणून घ्या. प्रेम व्यक्त करण्याचा सर्वात सुंदर दिवस.
Valentine Week First Day : फेब्रुवारी महिना प्रेमाचा असतो. 7 फेब्रुवारीपासून व्हॅलेंटाईन वीकची सुरुवात होते आणि पहिला दिवस रोज डे म्हणजेच गुलाबाचा असतो. या दिवशी प्रियकर, मित्र, पती-पत्नी एकमेकांना गुलाब देऊन आपले नाते अधिक घट्ट करतात. गुलाबाला शतकानुशतके प्रेम आणि नात्यांचे सर्वात सुंदर प्रतीक मानले जाते, म्हणूनच व्हॅलेंटाईन वीकची सुरुवात याच फुलाने केली जाते.
रोज डे चा इतिहास
रोज डे ची सुरुवात पाश्चात्य देशांमध्ये प्रेम व्यक्त करण्याच्या परंपरेशी जोडलेली मानली जाते. वेगवेगळ्या रंगांचे गुलाब देऊन आपल्या भावना व्यक्त केल्या जातात. महाराणी व्हिक्टोरियाच्या काळात जोडपी आपले प्रेम व्यक्त करण्यासाठी गुलाब देत असत. भारतात मुघल बादशाह जहांगीर देखील आपली पत्नी नूरजहाँला भेट म्हणून गुलाब पाठवत असे. राणीला गुलाब खूप आवडत होते. त्यामुळे गुलाब हे प्रेम व्यक्त करण्याचे प्रतीक बनले, जे आजही पाळले जात आहे.
रोज डे चे महत्त्व
रोज डे (Rose Day 2026) फक्त जोडप्यांपुरता मर्यादित नाही. या दिवशी लोक आपल्या पार्टनर, मित्र, क्रश किंवा कोणत्याही खास व्यक्तीला गुलाब देऊन आपल्या भावना व्यक्त करतात. हा दिवस नात्यात नवीन सुरुवात करण्यासाठी, सॉरी म्हणण्यासाठी किंवा प्रेम व्यक्त करण्याची संधी देतो. गुलाब देऊन जोडपी व्हॅलेंटाईन डेचे उर्वरित दिवस एन्जॉय करतात.
आणखी वाचा: 9Kt Heart Earrings: व्हॅलेंटाईनला जुळतील हृदयाशी हृदय, घ्या हार्ट इअररिंग्स
गुलाबाचे वेगवेगळे रंग काय दर्शवतात?
- लाल गुलाब: खरे प्रेम आणि रोमान्स
- गुलाबी गुलाब: प्रशंसा आणि काळजी
- पिवळा गुलाब: मैत्री आणि आनंद
- पांढरा गुलाब: शांती आणि आदर
काळानुसार ही परंपरा भारतासह अनेक देशांमध्ये लोकप्रिय झाली आणि आता रोज डे हा व्हॅलेंटाईन वीकचा पहिला आणि सर्वात खास दिवस मानला जातो.
रोज डे कसा साजरा केला जातो?
आजच्या काळात रोज डे ला फक्त गुलाबच नाही, तर Rose Day Wishes, Quotes, Messages आणि सोशल मीडिया Greetings द्वारेही प्रेम व्यक्त केले जाते. अनेकजण या दिवशी छोटे-छोटे सरप्राईज आणि अविस्मरणीय क्षणही प्लॅन करतात. या दिवशी गुलाबाची किंमत वाढते. 10 रुपयांचा गुलाब 100 रुपयांना मिळू लागतो.