Skin Care : 'या' फळाचा नैसर्गिक फेसपॅक, आठवड्याभरात ग्लो

Skin Care Tips : चेहऱ्याचे सौंदर्य टिकून राहण्यासाठी महिला वेगवेगळ्या ब्युटी प्रोडक्ट्सचा वापर करतात. पण काही घरगुती उपायांनी देखील चेहऱ्याची चमक दीर्घकाळ टिकून राहण्यास मदत होऊ शकते. अशातच कोणत्या फळाचा फेसपॅक तुम्ही लावू शकता हे जाणून घेऊया.

चेहऱ्याच्या ग्लोसाठी खास टिप्स

सध्याच्या धावपळीच्या आयुष्यात धूळ, प्रदूषण, वाढता ताण आणि बदललेल्या लाइफस्टाइलमुळे चेहऱ्यावरील ग्लो कमी झाल्याची तक्रार बहुतांशजण करतात. यासाठी महागडे ब्युटी प्रोडक्ट्स, ट्रिटमेंटचा वापर केला जातो. पण याच्या माध्यमातून दीर्घकाळ चेहऱ्याचे सौंदर्य टिकून राहत नाही. पण तुम्ही काही घरगुती उपाय केल्यास चेहऱ्यावरील चमक दीर्घकाळ टिकून राहण्यासह त्वचेचे कोणतेही नुकसान होणार नाही. 

चेहऱ्यावर ग्लो येण्यासाठी पपईचा वापर

चेहऱ्यावरील ग्लो पुन्हा येण्यासाठी पपईचा वापर करू शकता. पपईमध्ये त्वचेसाठी आवश्यक असलेले व्हिटॅमिन ए, सी आणि पपेन एन्झाइम नावाचे तत्व भरपूर प्रमाणात असतात. यामुळे पपईचा फेसपॅक तुम्ही आठवड्यातून तीन ते चार वेळा वापरू शकता.

त्वचेसाठी फायदेशीर पपई

पपईमध्ये असलेले पपेन एन्झाइम तत्त्व त्वचेवरील मृत पेशी काढून टाकण्यास मदत करतात. तसेच व्हिटॅमिन सी आणि अँटीऑक्सिडंट्समुळे त्वचेतील कोलेजन वाढण्यास मदत होते. अशातच त्वचा अधिक मऊसर, तजेलदार होते. चेहऱ्यावरील पिंपल्सचे डाग, टॅनिंग कमी होण्यासही मदत होते.

असा तयार करा पपईचा फेसपॅक

पपईचा फेसपॅक तयार करण्यासाठी पिकलेल्या पपईचे ३-५ तुकडे घ्या. हे तुकडे व्यवस्थितीत कुस्करुन त्यामध्ये एक चमचा मध आणि अर्धा चमचा दही मिक्स करा. तयार केलेला फेसपॅक चेहऱ्यावर आणि मानेवर अर्धातास लावून ठेवा. यानंतर कोमट पाण्याने चेहरा स्वच्छ करा. पपईचा हा फेसपॅक तुम्ही आठवड्यातून तीन ते चार वेळा वापरू शकता. यामुळे चेहऱ्याला नैसर्गिक ग्लो येण्यास नक्कीच मदत होऊ शकते.

टॅनिंग आणि डाग कमी करण्यासाठी फायदेशीर

उन्हामुळे त्वचेवर आलेले टॅनिंग कमी करण्यासाठी पपई आणि लिंबाच्या रसाचा फेसपॅक फायदेशीर ठरू शकतो. पपईमधील एन्झाइम्स तत्त्व त्वचा खोलवर स्वच्छ करतात. तर लिंबामधील व्हिटॅमिन सी तत्त्वामुळे त्वचेला ग्लो येण्यास मदत होते. मात्र संवेदनशील त्वचा असलेल्या व्यक्तींनी लिंबाचा कमी करावा.

फेसपॅक लावण्यापूर्वी घ्या काळजी

पपईचा फेसपॅक लावण्यापूर्वी चेहरा स्वच्छ धुवावा. कोणत्याही प्रकारची अॅलर्जी किंवा त्वचेसंबंधित समस्या आधी हाताच्या त्वचेवर पॅच टेस्ट करू पाहा. फेसपॅक धुतल्यानंतर त्वचेला मॉइश्चरायझर लावा. जेणेकरुन त्वचा कोरडी न राहता हाइड्रेट राहण्यास मदत होईल.