Nita Ambani : नीता अंबानींच्या एका वेळेच्या मेकअपचा खर्च ऐकून थक्क व्हाल! अनेकांच्या महिन्याच्या पगाराइतका आहे

नीता अंबानी नेहमीच सुंदर आणि एलिगंट दिसतात. त्यांचा मेकअपही तसाच खास असतो. पण तुम्हाला माहितीये का, नीता अंबानींच्या मेकअपसाठी किती खर्च येतो? त्यांच्या एकदाच्या मेकअपचा खर्च हा एखाद्याच्या महिन्याच्या पगाराइतका आहे.

नीता अंबानींच्या मेकअपचा खर्च किती?

नीता अंबानी आणि अंबानी कुटुंबाचा मेकअप व हेअर स्टायलिंग प्रसिद्ध सेलिब्रिटी मेकअप आर्टिस्ट ओजस रजानी करतात. मुंबईच्या ओजस रजानी यांना ब्युटी आणि फॅशन इंडस्ट्रीत 30 वर्षांपेक्षा जास्त अनुभव आहे. फक्त नीता अंबानीच नाही, तर श्लोका अंबानी आणि राधिका मर्चंट यांचाही स्पेशल इव्हेंट्स आणि मोठ्या फंक्शन्समध्ये मेकअप व स्टायलिंग त्यांनीच केलंय. रिपोर्ट्सनुसार, ओजस रजानी यांच्या ब्रायडल आणि पार्टी मेकअप पॅकेजची फी सुमारे 1 लाख रुपयांपर्यंत असते. यात फक्त चेहऱ्याचा मेकअपच नाही, तर हाय डेफिनिशन (HD) मेकअप, हेअर स्टायलिंग, हेअर एक्स्टेंशन आणि साडी ड्रेपिंगसारख्या सर्व्हिसेसही मिळतात.

बॉलिवूड स्टार्सची फेव्हरेट मेकअप आर्टिस्ट

ओजस रजानी यांनी नीता अंबानी यांच्यासोबतच बॉलिवूड अभिनेत्री ऐश्वर्या राय बच्चन, दीपिका पदुकोण आणि दिवंगत अभिनेत्री श्रीदेवी यांचाही मेकअप केला आहे. एवढंच नाही तर मरिया कॅरी आणि ब्रिटनी स्पीयर्स यांसारख्या इंटरनॅशनल स्टार्ससोबतही त्यांनी काम केलं आहे.

परदेशात ट्रेनिंग, मुंबईत स्वतःची अकॅडमी

ओजस रजानी यांनी अमेरिकेतील मियामी स्कूल ऑफ हेअर अँड मेकअपमधून ट्रेनिंग घेतलं आहे. मुंबईतील वांद्रे इथं त्या स्वतःची हेअर आणि मेकअप अकॅडमीही चालवतात. तीन दशकांचा अनुभव आणि सेलिब्रिटींसोबत काम करण्याच्या कौशल्यामुळे त्यांना ब्युटी इंडस्ट्रीत खास ओळख मिळाली आहे. सर्वसामान्यांसाठी एका मेकअप सेशनसाठी 1 लाख रुपये म्हणजे खूप मोठी रक्कम आहे. पण सेलिब्रिटींच्या जगात परफेक्ट लूक आणि पर्सनल स्टायलिंगची किती क्रेझ आहे, हे ओजस रजानी यांच्या फीवरून समजतं.