Makeup Tips : ब्लश लावण्याची योग्य पद्धत निवडल्यास चेहऱ्याचा आकार अधिक सुंदर आणि संतुलित दिसतो. V शेप टेक्निक स्लिम लूक देते, तर W शेप टेक्निक फ्रेश आणि युथफुल ग्लो देते.
मेकअपमध्ये ब्लश हा असा घटक आहे जो चेहऱ्याला ताजेपणा, नैसर्गिक ग्लो आणि योग्य शेप देण्याचे काम करतो. मात्र, ब्लश चुकीच्या पद्धतीने लावल्यास चेहरा अधिक जाड, लांब किंवा थकलेला दिसू शकतो. म्हणूनच चेहऱ्याच्या आकारानुसार ब्लश लावण्याची योग्य टेक्निक समजून घेणे फार महत्त्वाचे आहे. सध्या V शेप, W शेप अशा वेगवेगळ्या ब्लश टेक्निक्स ट्रेंडमध्ये असून, योग्य पद्धत वापरल्यास मेकअप अधिक प्रोफेशनल दिसतो.
25
V शेप ब्लश टेक्निक: स्लिम आणि शार्प लूकसाठी
V शेप ब्लश टेक्निक ही विशेषतः राउंड आणि ओव्हल फेस शेपसाठी उपयुक्त मानली जाते. या पद्धतीत ब्लश गालांच्या मध्यभागापासून कानाच्या दिशेने वरच्या बाजूला V आकारात लावला जातो. यामुळे चेहरा अधिक स्लिम आणि शार्प दिसतो. गालफडांचा भाग उठून दिसत असल्याने चेहऱ्याला नैसर्गिक कॉन्टूर इफेक्ट मिळतो. ऑफिस मेकअप किंवा पार्टी लूकसाठी ही टेक्निक अतिशय योग्य ठरते.
35
W शेप ब्लश टेक्निक: फ्रेश आणि युथफुल ग्लोसाठी
W शेप ब्लश टेक्निक सध्या सोशल मीडियावर प्रचंड लोकप्रिय आहे. या पद्धतीत ब्लश गालांपासून नाकाच्या वरून दुसऱ्या गालापर्यंत W आकारात लावला जातो. यामुळे सन-किस्ड आणि फ्रेश लूक मिळतो. हार्ट शेप आणि लांब चेहऱ्यांसाठी ही टेक्निक जास्त सूट होते. डे-टाइम मेकअप, ब्रंच लूक किंवा कॅज्युअल आउटिंगसाठी W शेप ब्लश परफेक्ट मानला जातो.
राउंड, स्क्वेअर आणि लांब चेहऱ्यासाठी योग्य ब्लश पद्धत
राउंड फेससाठी ब्लश गालांच्या थोडा वरच्या भागावर आणि कानाच्या दिशेने तिरका लावावा. यामुळे चेहरा लांब आणि सडपातळ दिसतो. स्क्वेअर फेससाठी गालांच्या मध्यभागी सॉफ्ट सर्क्युलर मोशनमध्ये ब्लश लावल्यास चेहऱ्याचे शार्प कोन सॉफ्ट दिसतात. तर लांब चेहऱ्यासाठी ब्लश आडव्या दिशेने लावावा, ज्यामुळे चेहऱ्याची लांबी संतुलित दिसते.
55
ब्लश लावताना लक्षात ठेवा या महत्त्वाच्या टिप्स
ब्लशचा शेड त्वचेच्या टोननुसार निवडणे फार गरजेचे आहे. फेअर स्किनसाठी पिंक आणि पीच टोन, व्हीटिश स्किनसाठी रोझ आणि कोरल, तर डस्की स्किनसाठी डीप पीच किंवा बेरी शेड्स उत्तम ठरतात. ब्लश लावल्यानंतर नीट ब्लेंड करणे अत्यंत महत्त्वाचे आहे, अन्यथा मेकअप कृत्रिम दिसू शकतो. क्रीम ब्लश ड्राय स्किनसाठी, तर पावडर ब्लश ऑइली स्किनसाठी अधिक योग्य मानला जातो.
