महिंद्रा आपली लोकप्रिय SUV स्कॉर्पिओ N चं फेसलिफ्ट मॉडेल 15 ऑगस्ट 2026 रोजी लाँच करणार आहे. या नव्या गाडीत पॅनोरॅमिक सनरूफ आणि थार रॉक्समधून घेतलेली मोठी टचस्क्रीन यांसारखी खास वैशिष्ट्ये असतील.
भारतीय बाजारात धुमाकूळ घालणारी महिंद्रा आपली लोकप्रिय SUV 'स्कॉर्पिओ N' चं नवीन फेसलिफ्ट मॉडेल 15 ऑगस्ट 2026 रोजी लाँच करणार आहे. दरवर्षी स्वातंत्र्यदिनी नवीन उत्पादनं जाहीर करण्याची महिंद्राची परंपरा आहे. त्यामुळे या नव्या स्कॉर्पिओ N फेसलिफ्टबद्दल बाजारात मोठी उत्सुकता आहे.
26
१५ ऑगस्टला महिंद्राचा धमाका आणि SUV प्रेमींची उत्सुकता!
स्कॉर्पिओ N ही महिंद्रासाठी लाँच झाल्यापासून सर्वाधिक विक्री होणारी आणि सर्वाधिक कमाई करून देणारी यशस्वी SUV आहे. आता ग्राहकांना आकर्षित करण्यासाठी कंपनी तिला अधिक प्रीमियम आणि आधुनिक बनवत आहे. सोशल मीडियावर व्हायरल झालेल्या स्पाय शॉट्सनुसार, या नवीन गाडीत अत्याधुनिक तंत्रज्ञान आणि फीचर्स असतील हे निश्चित झालं आहे.
36
ग्राहकांच्या आवडीच्या 'पॅनोरॅमिक सनरूफ'चा समावेश
नवीन स्कॉर्पिओ N फेसलिफ्टमधील सर्वात मोठा आणि महत्त्वाचा बदल म्हणजे 'पॅनोरॅमिक सनरूफ'. सध्याच्या स्कॉर्पिओ N मध्ये लहान सिंगल-पेन सनरूफ मिळतो. पण भारतीय ग्राहकांमध्ये पॅनोरॅमिक सनरूफची मोठी मागणी असल्यामुळे, महिंद्राने या वेळी गाडीच्या संपूर्ण छतावर पसरलेला मोठा काचेचा सनरूफ देण्याचा निर्णय घेतला आहे.
गाडीच्या केबिनमधील दुसरा मोठा बदल म्हणजे इन्फोटेनमेंट सिस्टीम. रिपोर्ट्सनुसार, नव्या स्कॉर्पिओ N मध्ये पूर्वीपेक्षा मोठी टचस्क्रीन दिली जाणार आहे, जी नुकत्याच लाँच झालेल्या 'महिंद्रा थार रॉक्स' (Thar Roxx) मधून घेतली आहे. डॅशबोर्डवर मोठी स्क्रीन येणार असल्याने, सेंटर कन्सोलचं लेआउट आणि एसी व्हेंट्सची जागाही बदलली आहे, ज्यामुळे डॅशबोर्ड अधिक प्रीमियम दिसेल.
56
डिजिटल इन्स्ट्रुमेंट क्लस्टर आणि 360-डिग्री कॅमेरा!
तिसरा महत्त्वाचा बदल म्हणजे गाडीत पूर्णपणे 'डिजिटल इन्स्ट्रुमेंट क्लस्टर' दिला जाणार आहे. म्हणजे स्पीडोमीटर, फ्यूल गेज आणि ट्रिप मीटरसारखी माहिती आता जुन्या ॲनालॉगऐवजी पूर्ण डिजिटल स्क्रीनवर दिसेल. हे फीचरसुद्धा थार रॉक्समधून घेतलं आहे. यासोबतच, ड्रायव्हिंग सोपं करण्यासाठी आणि सुरक्षेसाठी '360-डिग्री कॅमेरा' सिस्टीम देण्याचीही शक्यता आहे.
66
येत्या स्वातंत्र्यदिनी ऑटोमोबाईल विश्वात नवा धमाका
दरवर्षी 15 ऑगस्टला गाडीप्रेमींना सरप्राईज देणाऱ्या महिंद्राने या वेळीही स्कॉर्पिओ N फेसलिफ्टच्या माध्यमातून ऑटोमोबाईल बाजारात धमाका करण्याची तयारी केली आहे. हे तीन प्रमुख हाय-टेक फीचर्स आणि बदललेलं इंटीरियर डिझाइन बाजारातील स्पर्धक गाड्यांना नक्कीच तगडी टक्कर देईल यात शंका नाही.
