Lip Care : हेल्दी आणि मऊसर ओठांसाठी लिपस्टिक लावण्यापूर्वी लावा या 4 गोष्टी

Lip Care : लिपस्टिक परफेक्ट दिसण्यासाठी आणि ओठ मऊसर ठेवण्यासाठी लिपस्टिकपूर्वी योग्य प्री-कॅअर आवश्यक आहे. यासाठी चार गोष्टी सर्वात महत्त्वाच्या आहेत. याबद्दल सविस्तर जाणून घेऊया. 

लिप केअर

अनेक महिलांना लिपस्टिक लावल्यानंतर ओठ कोरडे पडणे, क्रॅक दिसणे किंवा रंग नीट बसत नाही अशी समस्या भेडसावते. यामागचे प्रमुख कारण म्हणजे ओठांची योग्य प्री-कॅअर न करणे. ओठांची त्वचा अतिशय नाजूक असते आणि मेकअप करण्यापूर्वी तिला विशेष तयारीची गरज असते. लिपस्टिक दीर्घकाळ टिकावी, ओठ मऊसर दिसावेत आणि स्मूद फिनिश मिळावे यासाठी काही सोपे पण प्रभावी स्टेप्स आवश्यक आहेत. या लेखात लिपस्टिक लावण्यापूर्वी कोणती चार गोष्टी लावल्या तर ओठ स्वस्थ, हायड्रेटेड आणि सुंदर दिसतात ते जाणून घेऊया.

लिप स्क्रब

लिपस्टिक लावण्यापूर्वी सर्वात पहिली स्टेप म्हणजे एक्सफोलिएशन. ओठांवर सतत मृत त्वचा जमा होत असते, ज्यामुळे लिपस्टिक चिरा दाखवते आणि नीट पसरत नाही. घरी सोप्या पद्धतीने शुगर-हनी स्क्रब बनवून हलक्या हाताने मसाज केल्यास ओठ त्वरित स्मूद होतात. रेडीमेड लिप स्क्रबही वापरू शकता. आठवड्यातून दोनदा स्क्रब केल्याने ओठांचे रक्ताभिसरण सुधारते आणि नैसर्गिक गुलाबीपणा वाढतो. स्मूद ओठांवर लिपस्टिकही परफेक्ट बसते आणि सुकेपणा जाणवत नाही.

लिप बाम

लिपस्टिकच्या आधी लिप बाम लावणे ही सर्वात महत्त्वाची स्टेप आहे. लिप बाम ओठांना मॉइश्चराइज ठेवतो, क्रॅक होऊ देत नाही आणि सॉफ्टनेस टिकवतो. विशेषतः मॅट लिपस्टिक लावणार असल्यास लिप बाम अत्यावश्यक आहे कारण मॅट फिनिश ओठ कोरडे करू शकतो. आल्हाददायक, नॉन-स्टिकी आणि नैसर्गिक घटक असलेला लिप बाम निवडल्यास ओठांना दीर्घकाळ पोषण मिळते. लिप बाम शोषला जाईपर्यंत दोन मिनिटे थांबणे गरजेचे आहे, त्यानंतर लिपस्टिक परफेक्टपणे बसते.

लिप प्रायमर

फेस प्रायमर जसा बेस तयार करतो, तसाच लिप प्रायमर लिपस्टिकला टिकवून ठेवतो. अनेक महिलांना जेवण किंवा पाणी पिताना लिपस्टिक निघून जाते, पण लिप प्रायमर हा प्रश्न सोडवतो. तो ओठांना एकसारखा, स्मूद टेक्स्चर देतो आणि लिप कलर ब्लीडिंग किंवा स्मजिंग होऊ देत नाही. विशेष प्रसंग, पार्टी किंवा ऑफिसच्या लांब दिवसांसाठी लिप प्रायमर उत्तम पर्याय आहे. प्रायमरमुळे लिपस्टिकचा रंग अधिक उठून दिसतो आणि क्रीस-फ्री फिनिश मिळते.

फाउंडेशन किंवा कंसीलर

लिपस्टिकचा खरा रंग यावा असे वाटत असेल, तर लिपस्टिकच्या आधी थोडेसे फाउंडेशन किंवा कंसीलर लावणे आवश्यक आहे. हे ओठांचा नैसर्गिक डार्कनेस किंवा पिग्मेंटेशन कमी करते आणि लिपस्टिकच्या रंगाला न्यूट्रल बेस मिळतो. यामुळे लिपस्टिक अधिक ब्राइट, शार्प आणि परफेक्ट दिसते. ओव्हरलायनिंग किंवा लिप शेप सुधारताना ही ट्रिक फारच उपयोगी ठरते. फाउंडेशन-कंसीलरची पातळ लेयर लावून सेटिंग पावडर लावल्यास लिपस्टिक दीर्घकाळ टिकते.