पोटाची चरबी कमी करण्याचे 6 सोपे व्यायाम,

आजच्या धकाधकीच्या जीवनशैलीत पोटावर साठणारी चरबी ही एक मोठी समस्या बनली आहे. केवळ सौंदर्यासाठीच नव्हे, तर आरोग्यासाठीही ही चरबी कमी करणे महत्त्वाचे आहे. यासाठी जिमला जाण्याची गरज नाही. घरच्या घरी करता येणारे काही सोपे आणि प्रभावी व्यायाम तुम्हाला या समस्येपासून मुक्त करू शकतात.

1. क्रंचेस: 

पोटाच्या स्नायूंना टोन करण्यासाठी क्रंचेस हा उत्तम व्यायाम आहे. पाठीवर झोपून हात डोक्याच्या मागे ठेवा. खांदे जमिनीपासून उचला आणि पुन्हा खाली या. दररोज 2-3 सेट करून पोटाच्या चरबीवर नियंत्रण मिळवा.

2. प्लँक: 

पोट, खांदे आणि पाठ मजबूत करण्यासाठी प्लँक हा व्यायाम प्रभावी आहे. जमिनीवर हात आणि पायांच्या बोटांवर वजन टाकून शरीर सरळ रेषेत ठेवा. 20-30 सेकंद ते 1 मिनिटापर्यंत हा व्यायाम करा.

3. माउंटन क्लायंबर्स: 

पोटाची चरबी कमी करण्यासाठी माउंटन क्लायंबर्स हा कार्डिओ प्रकार उपयुक्त ठरतो. पुश-अप स्थितीत राहून एक पाय छातीजवळ ओढा आणि गतीने पायांची अदलाबदल करा.

4. ट्विस्टिंग: 

पोटाच्या बाजूंची चरबी कमी करण्यासाठी रशियन ट्विस्ट हा व्यायाम करा. पाय थोडे वर ठेवून शरीर डावीकडे आणि उजवीकडे वळवा.

5. लेग रेजेस: 

पोटाखालच्या भागाची चरबी कमी करण्यासाठी लेग रेजेस फायदेशीर ठरतो. पाय सरळ ठेऊन ते जमिनीपासून उचला आणि पुन्हा खाली आणा.

6. बर्पीज: 

संपूर्ण शरीराला टोन करणारा आणि पोटाची चरबी कमी करणारा हा कार्डिओ प्रकार नियमित करा.

व्यायामासोबत आहार महत्त्वाचा फक्त व्यायामानेच नाही, तर योग्य आहारानेही पोटाची चरबी कमी होते. आहारात प्रथिने, फायबरयुक्त पदार्थांचा समावेश करा आणि साखरयुक्त पदार्थ कमी करा.

नियमितता ठेवा आणि बदल पाहा दररोज 20-30 मिनिटे हे व्यायाम केल्यास तुम्ही लवकरच पोटावरील चरबी कमी करू शकता. आरोग्यासाठी आणि आत्मविश्वासासाठी आजच सुरुवात करा.