
iPhone 17 Offer : जर तुम्ही iPhone 17 खरेदी करण्याचा विचार करत असाल, तर नववर्षाच्या सुरुवातीलाच मोठी संधी चालून आली आहे. iPhone 17 वर तब्बल Rs 14,000 पर्यंत बचत करण्याची ऑफलाइन ऑफर सध्या चर्चेत आहे. मात्र ही डील Flipkart किंवा Amazon वर उपलब्ध नसून, फक्त iNvent ऑफलाइन स्टोअर्समध्येच मिळणार आहे.
iPhone 17 चा 256GB स्टोरेज व्हेरिएंट भारतात Rs 82,900 ला लॉन्च करण्यात आला होता. सध्या iNvent ऑफलाइन स्टोअर्समध्ये New Year Deal अंतर्गत या फोनवर Rs 4,000 फ्लॅट इन्स्टंट कॅशबॅक दिला जात आहे. कॅशबॅकनंतर फोनची किंमत Rs 78,900 इतकी होते. iNvent चे स्टोअर्स दिल्ली, बेंगळुरू, नोएडा, हिमाचल प्रदेश आणि पंजाबमध्ये आहेत.
ही खास ऑफर सध्या दिल्लीतील नव्याने सुरू झालेल्या Shahdara आणि GK स्टोअर्समध्ये उपलब्ध आहे. EMI वर खरेदी केल्यास Rs 4,000 कॅशबॅक मिळतो. याशिवाय ICICI Bank आणि Axis Bank च्या Debit किंवा Credit Card द्वारे पेमेंट केल्यास Rs 4,000 ची अतिरिक्त सूट मिळते. त्यामुळे Rs 78,900 किमतीवर Rs 4,000 अधिक सूट मिळून फोन Rs 74,900 मध्ये मिळतो.
iPhone 17 वर सर्वात मोठा फायदा एक्सचेंज ऑफरमध्ये मिळतो. जुना फोन एक्सचेंज केल्यास Rs 6,000 पर्यंत एक्सचेंज बोनस दिला जात आहे. सर्व ऑफर्सचा लाभ घेतल्यास iPhone 17 ची अंतिम किंमत Rs 68,900 पर्यंत खाली येऊ शकते. मात्र एक्सचेंज व्हॅल्यू फोनच्या मॉडेल आणि कंडिशनवर अवलंबून असेल. ही ऑफर स्टॉक उपलब्ध असेपर्यंतच लागू आहे.
स्पर्धेच्या बाबतीत iPhone 17 ला Samsung Galaxy S25, Google Pixel 10, Oppo Find X9 आणि Vivo X300 या स्मार्टफोन्सची टक्कर आहे. हे सर्व मॉडेल्स ऑनलाइन आणि ऑफलाइन दोन्ही ठिकाणी उपलब्ध आहेत.