Whisky Tasting : व्हिस्कीची खरी टेस्ट घ्यायचीय? मग ती पाण्यासोबत प्यावी की बर्फासोबत?

मद्यप्रेमींना व्हिस्कीची विशेष आवड असते. प्रत्येक जण आपापल्या स्टाईलने पेग बनवतो. पण तुम्हाला व्हिस्कीची खरी टेस्ट अनुभवायची असेल, तर ती नक्की कशी प्यावी? चला जाणून घेऊया.

व्हिस्की कशी प्यावी?

दारू पिताना प्रत्येक जण स्वतःचे नियम फॉलो करतो. काही जण फक्त पाणी मिक्स करतात, तर काही जण बर्फाचे खडे टाकतात. अनेक जण कोल्ड्रिंक्सही मिसळतात. पण या सगळ्यामुळे व्हिस्कीची मूळ चव बदलते. व्हिस्कीची खरी आणि अस्सल टेस्ट अनुभवायची असेल, तर ती कशी प्यावी हे आपण आज पाहणार आहोत.

हे लक्षात ठेवा

काहीही मिक्स न करता डायरेक्ट व्हिस्की पिण्याला 'नीट' (Neat) म्हणतात. यात तुम्हाला व्हिस्कीची ओरिजिनल टेस्ट समजते. थोडी व्हिस्की ग्लासमध्ये ओतून तो थोडा वेळ बाजूला ठेवा. पिताना ग्लास नाकाजवळ नेऊन पूर्ण वास घेण्याऐवजी, थोड्या अंतरावरून हलका सुगंध घ्या. पहिला छोटा घोट घेऊन जिभेला त्याची सवय होऊ द्या. यामुळे व्हिस्कीची चव छान समजते.

व्हिस्कीत पाणी मिसळल्यास...

व्हिस्कीत थोडं पाणी मिक्स करण्याला "ओपन अप करणं" म्हणतात. यात पाणी आणि इथेनॉलचे अनेक सुगंधी घटक असतात. थोडं पाणी टाकल्याने चव बदलत नाही. पण पाणी जास्त झालं तर व्हिस्कीची चव फिकी पडते. ग्लास अर्धा पाण्याने भरला तर त्याची बॉडी आणि फ्लेवर कमी होतो. पाऊण ग्लास पाणी टाकलं तर ओरिजिनल टेस्ट ओळखणं कठीण होतं.

बर्फ (On The Rocks)…

बर्फाचे खडे टाकल्याने व्हिस्कीचं तापमान आणि डायल्यूशन दोन्ही बदलतं. थंडाव्यामुळे सुगंध बाहेर पडण्याचा वेग कमी होतो आणि व्हिस्कीचा सुगंध सौम्य होतो. तसेच अल्कोहोलचा कडकपणाही कमी होतो. बर्फ जसजसा वितळतो, तसतशी व्हिस्कीची चव बदलत जाते. हे प्यायला खूप रिफ्रेशिंग वाटतं.

ग्लास का महत्त्वाचा आहे?

व्हिस्कीची चव योग्य प्रकारे एन्जॉय करण्यासाठी ट्युलिप आकाराचा ग्लास (Tulip-shaped glass) खूप चांगला मानला जातो. याचा खालचा रुंद भाग सुगंध एकत्र करायला आणि वरचा निमुळता भाग तो सुगंध थेट नाकापर्यंत पोहोचवायला मदत करतो. रुंद रॉक्स ग्लास बर्फ टाकण्यासाठी चांगला असतो, पण त्यात सुगंध लवकर उडून जातो. ग्लास नेहमी स्वच्छ आणि वासरहित असावा. तसेच, ग्लास कधीही काठोकाठ भरू नये.