उन्हाळ्यात लहान मुलांची काळजी कशी घ्यावी?

उन्हाळ्यात लहान मुलांना डिहायड्रेशन, उष्माघात, अपचन आणि त्वचाविषयक समस्या होऊ शकतात. त्यामुळे मुलांना पुरेसे पाणी आणि द्रव पदार्थ द्या, हलका आणि पौष्टिक आहार द्या, सैलसर आणि सूती कपडे घालावेत, पुरेशी झोप घ्यावी आणि स्वच्छता ठेवावी.

उन्हाळ्याची चाहूल लागली आहे आणि तापमान झपाट्याने वाढत आहे. अशा वेळी लहान मुलांच्या आरोग्याची विशेष काळजी घेणे आवश्यक आहे. उन्हाळ्यात जास्त उष्णता, घाम आणि पाणी कमी झाल्यामुळे डिहायड्रेशन, उष्माघात, अपचन आणि त्वचाविषयक समस्या उद्भवू शकतात. त्यामुळे पालकांनी काही आवश्यक खबरदारी घेतल्यास मुलांचे आरोग्य उत्तम राहू शकते. 

उन्हाळ्यात लहान मुलांची काळजी कशी घ्यावी? 

1) पुरेसे पाणी आणि द्रव पदार्थ द्या

• उन्हाळ्यात शरीरातील पाणी झपाट्याने कमी होते. त्यामुळे मुलांना भरपूर पाणी, लिंबूपाणी, ताक, नारळ पाणी आणि फळांचे रस द्यावेत. 
• कोल्ड्रिंक्स आणि साखरयुक्त पेयांपासून दूर राहावे. 

2) हलका आणि पौष्टिक आहार द्या

• उन्हाळ्यात जड आणि तळलेले पदार्थ टाळावेत. 
• कलिंगड, काकडी, संत्री, द्राक्षे यांसारखी पाण्याचे प्रमाण जास्त असलेली फळे द्यावीत. 
• दूध, दही आणि ताकाचा आहारात समावेश करावा. 

3) मुलांचे कपडे सैलसर आणि सूती असावेत

• उन्हाळ्यात मुलांना हलके, सैलसर आणि सूती कपडे घालावेत. 
• उन्हाळी टोपी आणि गॉगल्स घालायला लावल्यास उन्हाचा त्रास कमी होतो.    

4) पुरेशी झोप महत्त्वाची

• उन्हाळ्यात शरीराची झपाट्याने ऊर्जा कमी होते, त्यामुळे मुलांनी ८-१० तासांची झोप घ्यावी. 

5) घाम आणि त्वचेसंबंधी समस्या टाळण्यासाठी स्वच्छता ठेवा

• दररोज आंघोळ करून अँटीसेप्टिक साबण वापरावा. 
• उष्णतेमुळे फोड येऊ शकतात, त्यासाठी मुलांच्या त्वचेसाठी हलके लोशन लावावे.