H1N1 च्या वाढत्या दहशतीदरम्यान ICMR ने दिलासा दिला आहे. देशात कोणताही नवीन स्ट्रेन आढळलेला नाही. दिल्लीत रुग्णांची संख्या वाढत असली तरी, राजधानी उपचारांसाठी पूर्णपणे सज्ज असल्याचं आरोग्यमंत्र्यांनी सांगितलं आहे.
दिल्ली आणि आसपासच्या परिसरात इन्फ्लूएंझा ए (H1N1) म्हणजेच स्वाइन फ्लूचा प्रादुर्भाव वाढल्याने लोकांमध्ये भीती पसरली होती. या पार्श्वभूमीवर, इंडियन कौन्सिल ऑफ मेडिकल रिसर्चने (ICMR) महत्त्वाची माहिती दिली आहे.
210
नवीन स्ट्रेन नाही, ICMR चा दिलासा
ICMR च्या शास्त्रज्ञांनी स्पष्ट केलं आहे की, देशात इन्फ्लूएंझा ए (H1N1) चा कोणताही नवीन स्ट्रेन आढळलेला नाही. त्यामुळे घाबरण्यासारखी परिस्थिती नाही, असा दावा त्यांनी केला आहे.
310
हा आहे सध्याचा व्हायरस
ICMR च्या एका वरिष्ठ शास्त्रज्ञाने सांगितलं की, सध्या पसरणारा इन्फ्लूएंझा ए (H1N1) pdm09 हा व्हायरस A/Missouri/11/2025-लाइक व्हायरससारखा आहे. हा व्हायरस 2025 सालापासूनच संसर्ग पसरवत आहे.
शास्त्रज्ञांच्या मते, सध्या पसरणारा स्ट्रेन उत्तर गोलार्धासाठी (Northern Hemisphere) शिफारस केलेल्या लसीशी पूर्णपणे जुळतो. ही एक दिलासादायक बाब असल्याचं त्यांचं म्हणणं आहे.
510
संसर्ग आपोआप बरा होतो
मिळालेल्या माहितीनुसार, H1N1 सह इतर सिझनल इन्फ्लूएंझा बहुतेक प्रकरणांमध्ये आपोआप बरे होतात. ताप, खोकला, डोकेदुखी आणि अंगदुखी ही याची सामान्य लक्षणं आहेत.
610
या लोकांना जास्त धोका
लहान मुलं, वृद्ध आणि ज्यांना आधीपासूनच इतर आजार आहेत, त्यांच्यासाठी धोका जास्त असू शकतो. लक्षणं कमी न झाल्यास डॉक्टरांचा सल्ला घेण्यास सांगण्यात आलं आहे.
710
लॅबमध्येही वाढले रुग्ण
डॉ. डँग्स लॅबचे सीईओ अर्जुन डँग यांनी सांगितलं की, दिल्लीत गेल्या काही आठवड्यांपासून त्यांच्या लॅबमध्ये अनेक पॉझिटिव्ह रुग्ण आढळले आहेत. श्वास घेण्यास त्रास, सर्दी-खोकला यांसारखी लक्षणं घेऊन तपासणीसाठी येणाऱ्यांची संख्याही वाढली आहे.
810
NCDC चा आकडेवारी रिपोर्ट
नॅशनल सेंटर फॉर डिसीज कंट्रोल (NCDC) च्या आकडेवारीनुसार, यावर्षी आतापर्यंत H1N1 चे 1,777 रुग्ण आढळले आहेत. हा आकडा गेल्या वर्षीच्या याच कालावधीच्या तुलनेत खूप जास्त आहे.
910
केंद्रीय आरोग्यमंत्र्यांची बैठक
केंद्रीय आरोग्यमंत्री जे. पी. नड्डा यांनी नुकतीच इन्फ्लूएंझा, डेंग्यू आणि मलेरियासारख्या आजारांचा सामना करण्यासाठी दिल्लीच्या तयारीचा आढावा घेण्यासाठी एक बैठक घेतली. या बैठकीला दिल्लीचे आरोग्यमंत्री पंकज कुमार सिंह हेदेखील उपस्थित होते.
1010
दिल्ली पूर्णपणे सज्ज
पंकज कुमार सिंह यांनी केंद्राला माहिती दिली की, दिल्ली सध्याच्या आरोग्य परिस्थितीला तोंड देण्यासाठी पूर्णपणे तयार आहे. बेड, डॉक्टर, औषधं किंवा वैद्यकीय उपकरणांची कोणतीही कमतरता नाही. प्रत्येक रुग्णाला वेळेवर योग्य उपचार मिळतील, असं आश्वासन त्यांनी दिलं.
