फॅटी लिव्हरची समस्या आहे? अशी घ्या वेळीच आरोग्याची काळजी

यकृतामध्ये अतिरिक्त चरबी साचू लागल्यास त्याला फॅटी लिव्हर म्हणतात. सुरुवातीच्या काळात अनेकांना कोणतीही स्पष्ट लक्षणे जाणवत नाहीत, त्यामुळे ही समस्या नकळत वाढू शकते.

फॅटी लिव्हरची समस्या अनेक कारणांमुळे होऊ शकते. लठ्ठपणा, वाढलेले वजन, मधुमेह, शरीरातील वाढलेली चरबी, चुकीचा आहार आणि मद्यपान ही प्रमुख कारणे मानली जातात.

फॅटी लिव्हरच्या सुरुवातीच्या टप्प्यात अनेकदा लक्षणे दिसत नाहीत. मात्र काही लोकांमध्ये थकवा, अशक्तपणा, पोटाच्या उजव्या बाजूला अस्वस्थता किंवा जडपणा जाणवू शकतो.

फॅटी लिव्हरच्या समस्येवर डाळींब, अ‍ॅव्होकाडो, सफरचंद, ब्लूबेरी, रास्पबेरी आणि किव्हीसारखी फायबरयुक्त फळांचे सेवन करावे. 

फॅटी लिव्हरकडे दुर्लक्ष केल्यास काही रुग्णांमध्ये यकृताला सूज येणे, यकृतावर जखमा होणे (फायब्रोसिस) आणि पुढे गंभीर यकृतविकार होण्याचा धोका वाढू शकतो.

सतत थकवा, पोटात अस्वस्थता, वजनातील अनपेक्षित बदल किंवा यकृताशी संबंधित तपासण्यांमध्ये असामान्यता आढळल्यास डॉक्टरांचा सल्ला घ्या. 

फॅटी लिव्हरकडे दुर्लक्ष करू नका. योग्य आहार, नियमित व्यायाम, वजन नियंत्रण आणि डॉक्टरांच्या सल्ल्याने जीवनशैलीत बदल केल्यास अनेक प्रकरणांमध्ये स्थिती सुधारण्यास मदत होऊ शकते.