Goa Fashion : गोव्याला जाताय? मग हे 7 ड्रेस ट्राय करा, बीचवर दिसाल एकदम हटके!

Goa Vacation Style Guide : गोव्याला फिरायला जायचा प्लॅन करताय? मग बिकीनीऐवजी काहीतरी आरामदायक आणि स्टायलिश कपडे निवडा. कॉटन, लिनेनसारख्या हलक्या फॅब्रिकमधले काही लेटेस्ट आणि परफेक्ट ऑप्शन्स आम्ही तुमच्यासाठी आणले आहेत.

Goa Vacation Style Guide : गोव्याच्या बीचवर फिरायला जाताना आपला ड्रेस एकदम भारी, फोटोत छान येणारा आणि उन्हात आरामदायक असावा लागतो. आजकाल अनेक जणी बिकीनीऐवजी मॅक्सी, मिडी, शॉर्ट सनड्रेस किंवा कफ्तान घालणं पसंत करतात. कारण हे कपडे बीचपासून कॅफेपर्यंत किंवा सनसेट डिनरसाठी कुठेही सहज घालता येतात. यासाठी कॉटन, लिनेन, रेयॉन आणि शिफॉनसारखे हलके फॅब्रिक्स बेस्ट ठरतात. चला तर मग, बिकीनीशिवायही तुम्हाला स्टनिंग लुक देणारे काही बीच-फ्रेंडली ड्रेसचे ऑप्शन्स पाहूया.

व्हाइट लाँग मॅक्सी ड्रेस

गोव्यासाठी हा एक क्लासिक आणि इंस्टाग्राम-फ्रेंडली ड्रेस आहे. लांब आणि वाऱ्यावर उडणारा हा मॅक्सी ड्रेस बीचच्या वातावरणाला खूप छान सूट होतो. साईड स्लिट, स्पॅगेटी स्ट्रॅप्स किंवा ऑफ-शोल्डर पॅटर्न असेल तर लुक आणखी बोल्ड दिसतो. सनसेट आणि बीचच्या फोटोमध्ये पांढरा रंग खूपच उठून दिसतो. यावर फ्लॅट सँडल्स, सनग्लासेस आणि स्ट्रॉ हॅट घातल्यास लुक पूर्ण होतो.

शॉर्ट फ्लोरल सनड्रेस

दिवसा बाहेर फिरण्यासाठी, बीचवर चालायला किंवा कॅफेमध्ये जाण्यासाठी एखादा क्युट आणि कम्फर्टेबल ड्रेस हवा असेल, तर शॉर्ट फ्लोरल सनड्रेस बेस्ट ऑप्शन आहे. गुडघ्यांच्या वर असलेला हा ड्रेस उन्हात हवा खेळती ठेवतो. पीच, पिवळा, टर्कॉइज, गुलाबी आणि ट्रॉपिकल प्रिंट्स गोव्याच्या वाइब्सना आणखी वाढवतात. डे-टाइम लुकसाठी हा एक उत्तम पर्याय आहे.

कफ्तान ड्रेस

तुमच्यासाठी कम्फर्ट सर्वांत महत्त्वाचा असेल, तर कफ्तान ड्रेस नक्कीच ट्राय करायला हवा. हा ड्रेस लूज-फिट असल्यामुळे उन्हाळ्यात शरीराला हवा लागते. गोव्यासाठी ॲबस्ट्रॅक्ट प्रिंट, टाय-डाय किंवा ब्राईट रंगाचे कफ्तान सध्या खूप ट्रेंडमध्ये आहेत. तुम्ही हा ड्रेस बीच कव्हर-अप म्हणून किंवा लंच डेटसाठीही घालू शकता.

वन-शोल्डर लाँग ड्रेस

सनसेट डिनर, बीच वेअर आणि रात्रीच्या फोटोंसाठी वन-शोल्डर ड्रेस खूप ग्लॅमरस दिसतो. एक खांदा उघडा असल्यामुळे याला नैसर्गिकरित्या बोल्ड लुक येतो. शिफॉन किंवा सॅटिन फॅब्रिकचा ड्रेस असेल, तर तो आणखी प्रीमियम फील देतो. सनसेटच्या बॅकग्राउंडमध्ये हा ड्रेस खूपच स्टनिंग दिसतो.

शॉर्ट रॅप ड्रेस

हा ड्रेस शरीराला एक छान फ्लेअरिंग लुक देतो. रॅप पॅटर्न असल्यामुळे फिटिंगही खूप छान येते. गोव्याच्या ट्रिपसाठी फ्लोरल किंवा सॉलिड ब्राईट रंगाचा रॅप ड्रेस खूप स्टायलिश दिसतो. यासोबत सँडल्स आणि शेल इअररिंग्स घातल्यास लुक आणखी खुलून दिसेल.

क्रोशे आणि नेट बीच ड्रेस

तुम्हाला थोडा ट्रेंडी आणि बोल्ड लुक हवा असेल, तर क्रोशे किंवा नेट ड्रेस उत्तम पर्याय आहे. हा ड्रेस खूप फॅशनेबल बीच वाइब देतो. लुक क्लासिक आणि आरामदायक ठेवण्यासाठी तुम्ही या ड्रेसखाली शॉर्ट इनर स्लिट किंवा सायकलिंग शॉर्ट्स घालू शकता.

मिडी कॉटन ड्रेस

जास्त लांबही नाही आणि जास्त आखूडही नाही, असा बॅलन्स्ड ऑप्शन हवा असेल, तर मिडी कॉटन ड्रेस निवडा. साईट सीइंग, मार्केट शॉपिंग आणि बीच कॅफेसाठी हा ड्रेस परफेक्ट आहे. कॉटन किंवा लिनेन फॅब्रिकचा मिडी ड्रेस उन्हाळ्यात खूप आरामदायक वाटतो.