Feng Shui : पर्समध्ये ठेवा या ३ गोष्टी, पैशांची चणचण भासणार नाही, नशीब चमकेल!
सार
चीनची प्राचीन वास्तू पद्धत फेंगशुईनुसार, तुमच्या खिशात किंवा पर्समध्ये तीन खास गोष्टी ठेवल्यास आर्थिक अडचणी दूर होऊ शकतात. सात नाणी, थोडंसं मीठ आणि तांदळाचे सात दाणे सोबत ठेवल्यास नशीब फळफळतं आणि पैशांची चणचण भासत नाही, असं मानलं जातं.
मुंबई : फेंगशुई (Feng Shui) ही एक चीनची प्राचीन वास्तू कला आहे. याचा शब्दशः अर्थ 'हवा' आणि 'पाणी' असा होतो. 'फेंग' म्हणजे हवा आणि 'शूई' म्हणजे पाणी. हे दोन घटक आपल्या आयुष्यातील ऊर्जेचा प्रवाह नियंत्रित करतात. चीनमध्ये या पद्धतीचा वापर वास्तूशास्त्रासाठी केला जातो. पण आता भारतात आणि इतर अनेक देशांमध्येही फेंगशुई खूप लोकप्रिय झाली आहे आणि अनेकजण यावर विश्वास ठेवून त्याचे नियम पाळतात.
फेंगशुई वास्तू
फेंगशुई वास्तूनुसार, जर तुमच्या खिशात किंवा पर्समध्ये तीन खास गोष्टी असतील, तर पैशांची समस्या कधीच येणार नाही. या वस्तू नेहमी सोबत ठेवल्यास खूप फायदा होतो, असं मानलं जातं.
या ३ गोष्टी नेहमी सोबत ठेवा
यापैकी पहिली गोष्ट म्हणजे सात नाणी. तुमच्या पर्समध्ये सात नाणी ठेवल्यास पैशांचा प्रवाह नेहमी चांगला राहतो. यामुळे पैशांची कधीच कमतरता भासत नाही, असं म्हटलं जातं. नाणी धातूची असतात आणि फेंगशुईनुसार ती संपत्ती आकर्षित करतात. यामुळे तुमचं भविष्य, विशेषतः आर्थिक बाजू चांगली राहू शकते. सोबतच, तुमच्या आयुष्यात यशही मिळतं.
दुसरी गोष्ट म्हणजे, तुमच्या खिशात थोडंसं मीठ ठेवा. मीठ नकारात्मक ऊर्जा दूर करण्यास मदत करतं. यामुळे फक्त नशीब चांगलं होतं असं नाही, तर हे तुम्हाला इतरांच्या निंदा-नालस्तीपासून (Gossip) सुद्धा दूर ठेवतं. हे तुमच्यासाठी संधीचे नवीन दरवाजेही उघडतं.
तिसरी गोष्ट म्हणजे, तांदळाचे सात दाणे नेहमी सोबत ठेवा. यामुळे तुम्हाला अनपेक्षितपणे आर्थिक मदत मिळू शकते. फेंगशुई वास्तूशास्त्रानुसार, चांगल्या भविष्यासाठीही हा उपाय खूप उपयुक्त मानला जातो.