Elderly Parents: वृद्ध आई-वडील आहेत? मग या 6 गोष्टी लगेच करा! आयुष्य होईल सोपं

Elderly Parents: म्हातारपणी आई-वडिलांना आपल्याकडून पैसा किंवा सुविधा नाही, तर फक्त सुरक्षितता आणि थोडी काळजी हवी असते. तुमच्या घरीही वृद्ध आई-वडील असतील, तर त्यांचं रोजचं आयुष्य आणखी सोपं आणि सुंदर करण्यासाठी या 6 सोप्या गोष्टी लगेच करा!

वृद्ध व्यक्तींची सुरक्षितता

वृद्ध व्यक्ती घरात पडण्याच्या 80% घटना बाथरूममध्ये होतात. त्यामुळे, बाथरूममध्ये लगेच 'अँटी-स्किड' मॅट्स टाका. भिंतींना पकडण्यासाठी 'ग्रॅबिंग बार' (हँडल्स) लावा. यामुळे त्यांची सुरक्षितता वाढेल.

एकटेपणावरचा उपाय

स्मार्टफोनवर त्यांची आवडती जुनी गाणी, भजनं किंवा कॉमेडी व्हिडिओ 'फेव्हरिट्स'मध्ये सेव्ह करून द्या. लांबच्या नातेवाईकांशी बोलायला व्हॉट्सॲप व्हिडिओ कॉल कसा करायचा हे शिकवा. हा त्यांच्या एकटेपणावरचा उत्तम उपाय आहे.

औषधांचा डबा

एक 'वीकली पिल ऑर्गनायझर' (आठवड्याचा औषधांचा डबा) आणा आणि रविवारीच पुढच्या आठवड्याच्या गोळ्या वेगवेगळ्या कप्प्यात भरून ठेवा. यामुळे गोळ्या चुकणार नाहीत आणि तेही निश्चिंत राहतील.

'नाही' म्हणू नका!

आजोबा-आजींनी एखादी गोष्ट दहा वेळा सांगितली तरी, प्रत्येक वेळी ती नवीन असल्यासारखी ऐका. म्हातारपणी बोलायला कोणीतरी असणं, हाच मोठा आधार असतो. 'मला माहीत आहे, हे किती वेळा सांगणार?' असं न म्हणता हसून ऐकून घ्या.

अंधाराची भीती दूर करा!

वाढत्या वयानुसार नजर कमजोर होते. रात्री पाणी प्यायला किंवा बाथरूमला जाताना त्यांना त्रास होऊ शकतो. म्हणून, बेडरूम आणि हॉलमध्ये मंद प्रकाशाचे 'नाइट फूट-लॅम्प' किंवा 'मोशन सेन्सर' लाईट्स लावा.

कौटुंबिक निर्णयांमध्येही सहभागी करून घ्या!

घरात नवीन वस्तू घेण्यापासून ते कौटुंबिक कार्यक्रमांपर्यंत, प्रत्येक गोष्टीत 'तुमचं मत काय आहे?' असं एकदा विचारा. 'आपली अजूनही या घराला गरज आहे' ही भावना त्यांना अनेक वर्षं निरोगी ठेवेल.