डास घरात शिरायच्या आधीच पळून जातील, हे सोपे घरगुती उपाय नक्की वापरून बघा!

Mosquito Control At Home: डास पूर्णपणे नष्ट करता येत नसले तरी, योग्य स्वच्छता आणि घरगुती उपायांनी त्यांचा उपद्रव निश्चितच कमी करता येतो. स्वच्छ परिसर, पाणी साचू न देणे आणि नैसर्गिक उपाय वापरणे हा सर्वोत्तम बचाव आहे. 

घरातून डासांना पळवण्यासाठी घरात करा हे सोपे उपाय

डासांना घरातून पळवून लावण्यासाठी घरी करता येण्यासारखे काही सोपे उपाय कोणते आहेत ते पाहूया.

पाणी साचू देऊ नका

सेप्टिक टँक आणि पाणी साठवण्याच्या टाक्या नेहमी झाकून ठेवाव्यात.

मच्छरदाणी

खिडक्या आणि दारांना मच्छरदाणी लावा. संध्याकाळ होण्यापूर्वी दारे आणि खिडक्या बंद करा आणि बारीक जाळीने झाका.

लसूण

डासांपासून सुटका मिळवण्यासाठी लसूण हा एक उत्तम उपाय आहे. लसूण ठेचून पाण्यात उकळा आणि ते पाणी खोलीत शिंपडल्यास डास दूर राहतात.

लवंग

लिंबामध्ये लवंगा खोचून खोलीत ठेवल्याने डासांना दूर ठेवण्यास मदत होते.

कडुलिंबाचे तेल

कडुलिंबाचे तेल शरीरावर लावल्यास डास चावण्यापासून बचाव होतो.

तुळशीची पाने

तुळशीच्या पानांचा धूर करणे किंवा ती खोलीत ठेवणे हा डासांना पळवून लावण्याचा आणखी एक मार्ग आहे. डासांना घरात येण्यापासून रोखण्यासाठी खिडकीत किंवा दाराबाहेर तुळशीची पाने ठेवा.