Clean Greasy Non-Stick Pan : नॉन-स्टिक पॅनचा चिकटपणा जात नाहीये? या सोप्या ट्रिक्स वापरा

आपण नॉन-स्टिक पॅन कितीही जपून वापरला, तरी त्याच्या कडांना तेल आणि चिकटपणा साचतोच. नुसत्या डिशवॉशने हा हट्टी चिकटपणा जात नाही. जास्त घासल्यास पॅनचं कोटिंग खराब होतं. पण, स्वयंपाकघरातील काही साध्या वस्तू वापरून तुम्ही हा पॅन अगदी सहज स्वच्छ करू शकता.

नॉन-स्टिक पॅनचा चिकटपणा जात नाहीये?

आपण नॉन-स्टिक पॅन कितीही जपून वापरला, तरी स्वयंपाक झाल्यावर त्याच्या कडांना तेल आणि चिकटपणा साचतो. नुसत्या डिशवॉश लिक्विडने हा हट्टी चिकटपणा निघत नाही. पॅन जास्त घासल्यास त्याचं कोटिंग निघून जातं. म्हणूनच, स्वयंपाकघरात सहज मिळणाऱ्या वस्तू वापरून तुम्ही हा चिकटपणा दूर करू शकता.

सुरुवातीला कोमट पाण्याचा वापर करा

पॅन स्वच्छ करण्यापूर्वी तो पूर्णपणे थंड होऊ द्या. त्यानंतर पॅनमध्ये कोमट पाणी घ्या आणि त्यात थोडं माईल्ड डिशवॉश लिक्विड टाका. एका मऊ स्पंजने किंवा कापडाने पॅनच्या कडांना लागलेला चिकटपणा हलक्या हाताने पुसून काढा.

चिकटपणा जास्त असेल, तर पॅन १० ते १५ मिनिटे या पाण्यात भिजत ठेवा. यामुळे चिकटपणा मऊ पडेल आणि स्पंजने सहज निघून जाईल.

बेकिंग सोडा जपून वापरा

कोमट पाण्याने धुतल्यानंतरही चिकटपणा तसाच राहिल्यास, थोडा बेकिंग सोडा घ्या आणि त्यात पाणी मिसळून पातळ पेस्ट बनवा. ही पेस्ट फक्त चिकटपणा असलेल्या भागावर लावा आणि काही मिनिटे तशीच राहू द्या. त्यानंतर मऊ स्पंजने किंवा कापडाने हलक्या हाताने पुसून काढा. बेकिंग सोडा लावून पॅन जोरात घासू नका, नाहीतर कोटिंगवर ओरखडे पडू शकतात.

व्हिनेगरने काढा चिकट डाग

पॅनच्या कडांना चिकटलेले अन्न काढण्यासाठी तुम्ही व्हाईट व्हिनेगर वापरू शकता. व्हाईट व्हिनेगर आणि पाणी समप्रमाणात मिसळा. त्यात एक मऊ कापड बुडवून पॅनच्या कडा पुसून घ्या. पण, व्हिनेगर पॅनवर जास्त वेळ तसंच ठेवू नका. पुसून झाल्यावर माईल्ड डिशवॉश लिक्विडने पॅन पुन्हा एकदा स्वच्छ धुवून घ्या.

स्टीलचा स्क्रबर अजिबात नको

चिकटपणा कितीही घट्ट असला, तरी स्टीलच्या स्क्रबरने पॅन घासण्याची चूक करू नका. तसेच, कडक क्लिनिंग पॅड्स किंवा पावडर वापरू नका. यामुळे नॉन-स्टिक कोटिंग खराब होऊ शकतं. पॅन नेहमी मऊ स्पंज, मायक्रोफायबर कापड किंवा सॉफ्ट ब्रशनेच स्वच्छ करा.

शेवटी हे नक्की करा..

चिकटपणा पूर्णपणे निघून गेल्यावर पॅन स्वच्छ पाण्याने धुवा आणि कोरड्या किचन टॉवेलने पुसून घ्या. पॅनच्या कडांना पाणी किंवा अन्न राहणार नाही याची काळजी घ्या. स्वयंपाक झाल्यावर लगेच पॅन स्वच्छ केल्यास त्यावर चिकटपणा साचत नाही. कोमट पाणी, माईल्ड सोप आणि मऊ कापडाने पॅन नियमित स्वच्छ केल्यास तो जास्त काळ चांगला राहतो.