Feeling Tired : सारखा थकवा का येतो? ही आहेत प्रमुख कारणं, आजच बदला या सवयी

झोपेच्या आणि खाण्यापिण्याच्या चुकीच्या सवयींमुळे शरीरातील ऊर्जा कमी होते आणि सतत थकवा जाणवतो. तुम्हालाही असा त्रास होत असेल, तर त्यामागे ही काही सामान्य कारणं असू शकतात.

जास्त गोड खाण्याची सवय

गोड पदार्थ खाल्ल्यावर तुम्हाला तात्पुरती ऊर्जा मिळते, पण ती जास्त वेळ टिकत नाही. कार्बोहायड्रेट्स असलेले पदार्थ खाल्ल्यानंतर साधारण ३० मिनिटांतच शरीराला जास्त थकवा जाणवू लागतो.

जेवणानंतर येणारी सुस्ती

दुपारच्या जेवणानंतर शरीरातील ऊर्जा नैसर्गिकरित्या कमी होते. त्यातच तुम्ही जास्त फॅट्स असलेले पदार्थ खाल्ले, तर झोप आणणारे हार्मोन्स वाढतात आणि थकवा आणखीनच वाढतो.

कॉफी पिण्याची चुकीची वेळ

कॉफीमुळे ताजेतवाने वाटते हे खरं, पण ती पिण्याची वेळ खूप महत्त्वाची आहे. झोपण्याच्या ६ तास आधी जरी तुम्ही कॉफी प्यायलात, तरी तुमची रात्रीची झोप एका तासापेक्षा जास्त कमी होऊ शकते. यामुळे दुसऱ्या दिवशी थकवा येतो.

मद्यपानाचा झोपेवर परिणाम

अनेकांना वाटतं की दारू प्यायल्याने चांगली झोप लागते. पण यामुळे शरीराला आराम मिळत नाही, उलट मेंदू एका बेशुद्ध अवस्थेत जातो. यामुळे रात्रीच्या झोपेची गुणवत्ता खराब होते आणि थकवा जाणवतो.