Wedding Traditions : जगातल्या या देशात लग्नाआधी चक्क नवरीलाच किडनॅप करतात!

लग्नाच्या बाबतीत प्रत्येकाची वेगळी पद्धत असते. पण जगातल्या काही देशांमधल्या लग्नाच्या चालीरीती ऐकून तुम्ही नक्कीच थक्क व्हाल. चला तर मग, जगभरातल्या अशाच काही भन्नाट आणि विचित्र लग्न परंपरांबद्दल जाणून घेऊया.

लग्न परंपरा..

जगभरात लग्न म्हणजे फक्त एक सोहळा नसून अनेक वेगवेगळ्या परंपरांचा संगम असतो. प्रत्येक देशात आणि भागात लग्न करण्याची पद्धत खूप वेगळी आणि आश्चर्यकारक असते. आज आपण जगातल्या अशाच ७ सर्वात रंजक आणि हटके लग्न परंपरा पाहणार आहोत.

१. प्लेट्स फोडण्याची पद्धत

१. प्लेट्स फोडण्याची परंपरा: जर्मनीमध्ये लग्नाच्या आदल्या दिवशी नातेवाईक आणि मित्रमंडळी जुन्या चिनी मातीच्या प्लेट्स आणि वाट्या आणून नव्या जोडप्याच्या घरासमोर फोडतात. "फुटलेले तुकडे नशीब उजळवतात" असा त्यांचा समज आहे. त्यानंतर या नव्या जोडप्यानेच हा सगळा कचरा स्वतः झाडून साफ करायचा असतो.

२. बुटांसाठी घासाघीस: उत्तर भारतातल्या लग्नांमध्ये 'जुता छुपाई' ही पद्धत खूप मजेत साजरी करतात. लग्न मंडपात पाऊल ठेवण्याआधी नवरदेव आपले बूट काढतो. लगेचच नवरीच्या बहिणी आणि भावंडं ते बूट चोरून लपवतात. मग ते बूट परत देण्यासाठी नवरदेवाकडे पैशांची मागणी करत मस्करी करतात.

३. रडत गाणी गाण्याची पद्धत: चीनमधल्या तुजिया समुदायात लग्नाआधी नवरी रडत गाणी गाते. लग्नाच्या काही आठवडे आधीच ही पद्धत सुरू होते. घर सोडून जाण्याचं दुःख आणि आई-वडिलांचं प्रेम व्यक्त करत नवरी रडत गाणी गाते. हळूहळू घरातल्या इतर महिलाही तिला साथ देतात आणि सगळे मिळून रडतात.

४. नवरीला किडनॅप करणं

४. नवरीला किडनॅप करणं: रोमानियामध्ये लग्नाच्या रिसेप्शनमध्ये मित्रमंडळी मजेत नवरीला किडनॅप करतात. त्यानंतर आपल्या बायकोला सोडवण्यासाठी नवरदेवाला शॅम्पेन द्यावी लागते, डान्स करावा लागतो किंवा काही मजेशीर टास्क पूर्ण करावे लागतात. लग्नात आलेल्या पाहुण्यांसाठी ही एक मोठी करमणूक असते.

५. लग्नाचं प्रतीक 'रिंग-वॉर्मिंग': आयर्लंडमधल्या लग्नांमध्ये 'रिंग-वॉर्मिंग' नावाची एक सुंदर पद्धत आहे. लग्नाआधी अंगठ्या सगळ्या पाहुण्यांच्या हातातून फिरवल्या जातात. प्रत्येकजण ती अंगठी थोडा वेळ हातात धरून नव्या जोडप्याला मनापासून शुभेच्छा देतो. सगळ्या पाहुण्यांचा आशीर्वाद मिळाल्यावरच नवरा-नवरी त्या अंगठ्या घालतात.

६. अश्रूंचा निरोप: तुर्कीमध्ये होणारी 'किना गेसेसी' ही पद्धत खूप भावुक असते. नवरीच्या हातावर मेहंदी काढताना सगळे मिळून लहानपणीच्या आठवणी आणि माहेर सोडण्याचं दुःख सांगणारी गाणी गातात. यावेळी नवरीसोबत तिची आईसुद्धा रडते, अशी इथली प्रथा आहे.

७. नशिबासाठी ग्रीक बदाम: ग्रीक लग्नांमध्ये पाहुण्यांना 'कुफेटा' नावाचे शुगर कोटिंग केलेले बदाम भेट म्हणून देतात. हे बदाम नेहमी विषम संख्येत (Odd numbers) पॅक करतात. कारण विषम संख्येचे कधीच समान भाग करता येत नाहीत. तसेच बदाम कडू आणि साखर गोड असते, जे आयुष्यातल्या सुख-दुःखाचं प्रतीक मानलं जातं.