Beauty Tips: चेहऱ्यावर सुरकुत्या आणि बारीक रेषा दिसू लागल्या की सौंदर्यात बाधा येते. पण महागडी उत्पादनं वापरण्याऐवजी तुम्ही घरच्या घरी एक सोपं फेस सीरम बनवून या समस्येपासून सुटका मिळवू शकता.
अनेक जण चेहऱ्यावरचं वय लपवण्यासाठी फेस सीरम वापरतात. पण बाजारात मिळणारे सीरम खूप महाग असतात. त्याऐवजी तुम्ही घरच्या घरी सोपं सीरम बनवू शकता. हे सीरम चेहऱ्यावरच्या बारीक रेषा आणि सुरकुत्या कमी करतं. अपुरी झोप, जास्त उन्हात फिरणं, ताण आणि त्वचेची काळजी न घेतल्यामुळे चेहरा निस्तेज दिसतो आणि सुरकुत्या वाढतात. हे सीरम रोज लावल्यास काही दिवसांतच तुमच्या चेहऱ्यावर एक नवी चमक दिसेल.
24
फेस सीरमसाठी काय काय लागतं?
हे फेस सीरम बनवण्यासाठी तुम्हाला तांदळाचं पाणी, कोरफड आणि व्हिटॅमिन ई कॅप्सूल लागतील. हे तिन्ही घटक त्वचा उजळ करण्यास मदत करतात. यासाठी दोन चमचे तांदळाचं पाणी, दोन चमचे कोरफडीचा गर (aloe vera gel) आणि दोन व्हिटॅमिन ई कॅप्सूल घ्या. तांदळाचं पाणी बनवण्यासाठी, दोन टेबलस्पून तांदूळ अर्धा कप पाण्यात अर्धा तास भिजवून ठेवा. त्यानंतर तांदूळ हाताने चुरून ते पाणी गाळून घ्या.
34
असं बनवा आणि साठवून ठेवा
आता एका स्वच्छ भांड्यात दोन चमचे तांदळाचं पाणी आणि दोन चमचे कोरफडीचा गर टाकून चांगलं एकत्र करा. आता व्हिटॅमिन ई कॅप्सूल कापून त्यातील तेल या मिश्रणात टाका. सर्व साहित्य नीट मिसळल्यावर तुमचं सीरम तयार आहे. तुम्हाला जास्त प्रमाणात सीरम बनवायचं असेल, तर तुम्ही साहित्याचं प्रमाण वाढवू शकता. हे सीरम एका काचेच्या बाटलीत भरून ठेवा.
घरी बनवलेलं हे सीरम चेहऱ्याला लावल्याने तुम्हाला खूप फायदा मिळेल. रात्री झोपण्यापूर्वी चेहरा स्वच्छ धुवा. त्यानंतर हे सीरम चेहऱ्याला लावून रात्रभर तसंच राहू द्या. सकाळी उठल्यावर स्वच्छ पाण्याने चेहरा धुवा. असं तुम्ही दोन आठवडे करून बघा, तुमच्या त्वचेमध्ये झालेला बदल तुम्हाला स्पष्टपणे दिसेल.
