Cleaning Tips : जळलेली, करपलेली भांडी नव्यासारखी चमकतील! ६ सोपे घरगुती उपाय

स्वयंपाकघरात अनेकदा भांडी जळतात किंवा करपतात. हे डाग काढणं खूपच डोकेदुखीचं काम असतं. पण आता टेन्शन नाही, हे ६ सोपे घरगुती उपाय वापरून तुम्ही जळलेली भांडी सहज स्वच्छ करू शकता.

जळलेली भांडी स्वच्छ करण्यासाठी ६ सोप्या टिप्स

स्वयंपाक करताना अनेकदा लक्ष नसल्यामुळे भांडी जळतात. मग ते घासून काढणं खूपच अवघड होऊन बसतं. पण काही सोप्या टिप्स वापरून हे काम सोपं होऊ शकतं.

करपलेली भांडी स्वच्छ करण्यासाठी व्हिनेगर खूप प्रभावी आहे

व्हिनेगर एक नैसर्गिक क्लिनिंग एजंट आहे. भांड्यांवरील तेलकटपणा आणि हट्टी डाग काढायला याची मदत होते. एका स्प्रे बाटलीत पाणी आणि व्हिनेगर समान प्रमाणात घ्या. हे मिश्रण भांड्यांवर स्प्रे करा, थोडा वेळ तसंच ठेवा आणि मग पुसून स्वच्छ धुवा.

एका कप पाण्यात दोन चमचे बेकिंग सोडा घालून पेस्ट तयार करा

एका कप पाण्यात दोन चमचे बेकिंग सोडा घालून पेस्ट तयार करा. ही पेस्ट भांड्याच्या करपलेल्या भागावर लावा. अर्ध्या तासानंतर भांडं घासून स्वच्छ धुवा. डाग सहज निघून जातील.

भांड्यात दोन चमचे लिंबाचा रस घ्या

जळलेल्या भांड्यात दोन चमचे लिंबाचा रस आणि थोडं पाणी घ्या. हे मिश्रण मऊ ब्रशने डागांवर लावा. २० मिनिटं तसंच राहू द्या. त्यानंतर एका कापडाने घासून भांडं स्वच्छ करा.

करपलेली भांडी स्वच्छ करण्यासाठी कांदाही उपयोगी पडतो

करपलेलं भांडं स्वच्छ करण्यासाठी कांदाही उपयोगी पडतो. भांड्यात पाणी भरा. त्यात पाच-सहा कांद्यांची सालं टाका. आता हे भांडं गॅसवर ठेवून २० ते ३० मिनिटं पाणी चांगलं उकळू द्या. पाणी उकळल्यावर भांड्याला लागलेला करपलेला थर आपोआप सुटायला लागेल.

कोला वापरून भांड्यातील करपलेले डाग सहज काढता येतात

ऐकून आश्चर्य वाटेल, पण कोला किंवा कोणत्याही कोल्ड ड्रिंकने जळलेली भांडी साफ होतात. करपलेल्या भांड्यात थोडं कोला ओतून मंद आचेवर गरम करा. भांडं गरम होतानाच करपलेले डाग सुटून वर येतील.

पॅनमधले करपलेले डाग काढण्यासाठी बेकिंग सोडा आणि मीठ उत्तम आहेत

पॅन किंवा कढईतील जळके डाग काढण्यासाठी बेकिंग सोडा आणि मीठ एकत्र वापरा. दोन्ही समान प्रमाणात घेऊन डागांवर पसरा. एक तासानंतर, ओल्या कापडाने किंवा स्पंजने हळूवारपणे घासून काढा.