Corner Decor: घरातला रिकामा कोपरा असा सजवा, या ५ आयडियामुळे घर दिसेल एकदम भारी!

घरातला एखादा कोपरा रिकामाच राहतो? आता चिंता नको. थोडी créativity वापरून आणि या सोप्या आयडियाजने तुम्ही घरातल्या प्रत्येक कोपऱ्याला एक नवा आणि सुंदर लुक देऊ शकता.

आपल्या घराचा प्रत्येक भाग महत्त्वाचा असतो, पण अनेकदा एखादा कोपरा रिकामाच राहतो. तिथे ना धड फर्निचर ठेवता येतं, ना सजावट करता येते. हाच रिकामा कोपरा घराचं सौंदर्य कमी करतो. पण काळजी करू नका, आम्ही तुम्हाला ५ अशा आयडिया सांगणार आहोत, ज्यामुळे हाच कोपरा तुमच्या घराचा 'हायलाइट' बनेल.

ग्रीन प्लांट कॉर्नर देईल नॅचरल आणि पॉझिटिव्ह फील

घरातल्या रिकाम्या कोपऱ्याला सजवण्याचा सर्वात सोपा आणि बजेट-फ्रेंडली मार्ग म्हणजे तिथे इनडोअर प्लांट्स ठेवणं. एक मोठं झाड (जसं की अरेका पाम किंवा रबर प्लांट) जमिनीवर ठेवा आणि त्याच्या बाजूला वेगवेगळ्या उंचीच्या स्टँडवर १-२ छोटी झाडं ठेवा. भिंतीवर मॅक्रेम प्लांट हँगर किंवा वॉल शेल्फ लावू शकता. जर कोपऱ्यात अंधार असेल, तर स्नेक प्लांट किंवा झीझी प्लांटसारखी कमी प्रकाशात वाढणारी झाडं निवडा. यामुळे कोपरा सुंदर दिसेलच, पण घरात एक फ्रेश आणि सकारात्मक ऊर्जाही येईल.

रीडिंग किंवा रिलॅक्स कॉर्नर बनेल 'मी-टाइम' स्पेस

तुमच्या बेडरूम किंवा लिव्हिंग रूममधला रिकामा कोपरा तुम्ही एका छोट्याशा रीडिंग कॉर्नरमध्ये बदलू शकता. इथे एक आरामदायक खुर्ची किंवा बीन बॅग, मऊ कुशन, एक फ्लोअर लॅम्प आणि एक छोटं साईड टेबल ठेवा. भिंतीवर एक छोटा शेल्फ लावून तुम्ही तुमची आवडती पुस्तकंही ठेवू शकता. संध्याकाळच्या चहासाठी, पुस्तक वाचण्यासाठी किंवा निवांत वेळ घालवण्यासाठी हा कोपरा परफेक्ट आहे.

कॉर्नर शेल्फ आणि डेकोर पीसमुळे लहान जागेत मोठा स्टाइल

घराच्या कोपऱ्यात L-शेप किंवा त्रिकोणी कॉर्नर शेल्फ लावून तुम्ही जागेचा स्मार्ट वापर करू शकता. वरच्या शेल्फवर एक छोटं रोप, मध्ये फोटो फ्रेम आणि खाली एखादी सुगंधी मेणबत्ती किंवा छोटा शोपीस ठेवा. पण लक्षात ठेवा, खूप जास्त वस्तू ठेवू नका. कमीत कमी सजावट (minimal decor) जास्त आकर्षक दिसते. विशेषतः लहान घरांसाठी ही आयडिया खूपच उपयोगी आहे.

आरसा आणि लाईट डेकोरमुळे लहान घर दिसेल मोठं

तुमची रूम लहान असेल, तर कोपऱ्यात एक मोठा उभा आरसा (standing mirror) ठेवा. आरशामुळे रूम मोठी दिसते आणि प्रकाश परावर्तित (reflect) झाल्यामुळे अंधार असलेला कोपराही उजळतो. आरशासोबत तुम्ही फेअरी लाईट्स किंवा छोटा फ्लोअर लॅम्प लावू शकता. हा कोपरा इन्स्टाग्रामवर फोटो काढण्यासाठीही एकदम परफेक्ट बनेल.

मिनी मंदिर किंवा आर्ट कॉर्नरमुळे मिळेल क्लासी लुक

तुमच्या घरात पूजेसाठी वेगळी जागा नसेल, तर रिकाम्या कोपऱ्यात एक छोटंसं मंदिर बनवू शकता. यासाठी वॉल शेल्फ, पितळेचा दिवा, ताजी फुलं आणि मंद प्रकाश देणारे दिवे वापरा. जर तुम्हाला मंदिर नको असेल, तर तुम्ही त्याला आर्ट कॉर्नर बनवू शकता. यासाठी एक मोठं पेंटिंग, त्याखाली एक कन्सोल टेबल आणि बाजूला एक स्टायलिश लॅम्प ठेवा. यामुळे घराला एक एलिगंट आणि डिझायनर लुक मिळतो.