बाजारात धुमाकूळ घालणार या मध्यमवर्गीयांच्या आलिशान 7 SUV, ग्राहकांची वाढली उत्सुकता!

7 New Compact SUVs Set to Launch in India Soon : कॉम्पॅक्ट एसयूव्ही मार्केटमध्ये लवकरच अनेक नवीन मॉडेल्सची एन्ट्री होणार आहे. मारुती ब्रेझा, ह्युंदाई एक्सटर आणि टाटा नेक्सॉनसारख्या लोकप्रिय गाड्यांना फेसलिफ्ट आणि नवीन जनरेशन अपडेट्स मिळणार आहेत.

7 New Compact SUVs Set to Launch in India Soon : चार मीटरपेक्षा कमी लांबीच्या एसयूव्ही आणि कॉम्पॅक्ट क्रॉसओव्हर सेगमेंटमध्ये ग्राहकांसाठी आता भरपूर पर्याय उपलब्ध आहेत. अनेक नवीन मॉडेल्स लवकरच बाजारात येणार आहेत, तर काही लोकप्रिय सब-कॉम्पॅक्ट एसयूव्हीना पुढील वर्षात फेसलिफ्ट आणि जनरेशन अपडेट्स मिळणार आहेत. चला तर मग, भारतीय बाजारात लवकरच दाखल होणाऱ्या सात कॉम्पॅक्ट एसयूव्हींबद्दल जाणून घेऊया.

मारुती ब्रेझा फेसलिफ्ट

नवीन 2026 मारुती ब्रेझा फेसलिफ्टच्या टेस्टिंग मॉडेल्सवरून दिसतंय की ही गाडी लवकरच लाँच होऊ शकते. या अपडेटेड मॉडेलमध्ये डिझाइनमध्ये छोटे बदल आणि काही नवीन फीचर्स मिळण्याची शक्यता आहे. मीडिया रिपोर्ट्सनुसार, सध्याच्या 1.5-लिटर नॅचरली एस्पिरेटेड पेट्रोल इंजिनसोबतच, फ्रॉन्क्समधील 1.0-लिटर टर्बो पेट्रोल इंजिनचा पर्यायही नव्या ब्रेझामध्ये दिला जाऊ शकतो. टर्बो पेट्रोल व्हेरिएंटमध्ये नवीन 6-स्पीड मॅन्युअल गिअरबॉक्स मिळण्याचीही शक्यता आहे.

ह्युंदाई एक्सटर फेसलिफ्ट

ह्युंदाई एक्सटरचा नवीन फेसलिफ्ट मॉडेल 2026 च्या मध्यापर्यंत शोरूममध्ये दाखल होईल. या मायक्रो-एसयूव्हीच्या स्टाइलमध्ये थोडे बदल केले जातील, पण तिची ओळख असलेली उंच आणि मजबूत डिझाइन कायम ठेवली जाईल. गाडीच्या आत मोठी टचस्क्रीन, नवीन ट्रिम्स, अपहोल्स्ट्री आणि अपडेटेड इन्स्ट्रुमेंट कन्सोल दिले जाऊ शकतात. इंजिनबद्दल बोलायचं झाल्यास, या मिनी एसयूव्हीमध्ये तेच 82 bhp क्षमतेचं 1.2-लिटर नॅचरली एस्पिरेटेड पेट्रोल इंजिन आणि सीएनजीचा पर्यायही कायम राहील.

मारुती फ्रॉन्क्स फेसलिफ्ट

मारुती फ्रॉन्क्स फेसलिफ्ट सध्या टेस्टिंग फेजमध्ये आहे आणि 2027 मध्ये लाँच होण्याची शक्यता आहे. यात ADAS (Advanced Driver Assistance Systems) आणि एक दमदार हायब्रीड इंजिन हे सर्वात मोठे बदल असतील. कंपनीने विकसित केलेलं 1.2-लिटर पेट्रोल हायब्रीड इंजिन असलेलं हे मारुती सुझुकीचं पहिलं मॉडेल असेल.

नवीन जनरेशन किया सोनेट

नवीन जनरेशनच्या किया सोनेटच्या लाँच तारखेबद्दल सध्या कोणतीही अधिकृत माहिती नाही. पण नवीन सेल्टॉसपासून प्रेरणा घेऊन या सब-कॉम्पॅक्ट एसयूव्हीच्या डिझाइनमध्ये आतून आणि बाहेरून मोठे बदल होण्याची शक्यता आहे. मात्र, इंजिनमध्ये कोणताही बदल होणार नाही, अशी अपेक्षा आहे.

नवीन जनरेशन महिंद्रा XUV 3XO

नवीन जनरेशनची महिंद्रा XUV 3XO 2028 च्या मध्यापर्यंत किंवा 2029 च्या सुरुवातीला भारतीय रस्त्यांवर दिसू शकते. मात्र, याबाबत अद्याप कोणतीही अधिकृत घोषणा झालेली नाही. गेल्या वर्षी स्वातंत्र्यदिनी दाखवलेल्या महिंद्रा व्हिजन एक्स (Mahindra Vision X) कॉन्सेप्टवर ही नवीन एसयूव्ही आधारित असेल. नवीन XUV 3XO मध्ये NU_IQ प्लॅटफॉर्म वापरला जाण्याची शक्यता आहे, ज्यामुळे यात अनेक पॉवरट्रेनचे पर्याय मिळतील.

नवीन जनरेशन टाटा नेक्सॉन

नवीन जनरेशनची टाटा नेक्सॉन 2027 मध्ये लाँच होण्याची शक्यता आहे. 'प्रोजेक्ट गरुडा' (Project Garuda) नावाने ओळखली जाणारी ही सब-कॉम्पॅक्ट एसयूव्ही सुधारित प्लॅटफॉर्मवर आधारित असेल आणि तिचं डिझाइनही पूर्णपणे नवीन असेल. फीचर्सबद्दल सध्या काही सांगता येणार नाही, पण ADAS सिस्टीमसोबत नवीन इंटीरियर आणि ट्रिम्स मिळण्याची अपेक्षा आहे.