बॅग किंवा कपड्यांची झिप खराब झाली म्हणून फेकून देण्याऐवजी, घरातल्याच वस्तू वापरून तुम्ही ती सहज दुरुस्त करू शकता. प्लायर, पेन्सिल, साबण अशा गोष्टींनी झिप दुरुस्त करण्याचे ५ सोपे उपाय जाणून घ्या.
प्रवासात बॅगेची झिप तुटली किंवा थंडीत आवडत्या स्वेटरची झिप खराब झाली की खूप वैताग येतो. पण आता झिप खराब झाली म्हणून बॅग फेकून देण्याची किंवा शिंप्याकडे धाव घेण्याची गरज नाही. घरातल्याच काही वस्तू वापरून तुम्ही काही मिनिटांत ती दुरुस्त करू शकता. यासाठी या ५ सोप्या आणि उपयुक्त टिप्स नक्की वाचा:
26
१. प्लायर (Pliers) वापरा
झिप लावल्यावरही तिचे दात नीट लागत नसतील आणि ती उघडत असेल, तर झिपचा रनर (स्लायडर) सैल झाला आहे, असं समजा. प्लायर घेऊन रनरच्या मागच्या बाजूने दोन्ही बाजूंना हलकेच दाबा. असं केल्याने रनर घट्ट होईल आणि झिप पुन्हा व्यवस्थित काम करू लागेल.
36
२. पेन्सिलची ग्रेफाइट (Pencil Lead)
झिप मध्येच अडकली असेल आणि पुढे-मागे सरकत नसेल, तर एक पेन्सिल घ्या. तिचं टोक झिपच्या दातांवर चांगलं घासा. पेन्सिलमधील ग्रेफाइट नैसर्गिक ल्युब्रिकंटप्रमाणे काम करतं आणि त्यामुळे झिप पुन्हा सहज सरकू लागते.
झिपचा रनर पूर्णपणे बाहेर निघाला असेल, तर एका काटा चमच्याच्या (फोर्क) टोकामध्ये रनरला अडकवून घट्ट पकडा. त्यानंतर बॅग किंवा स्वेटरच्या झिपची दोन्ही टोकं रनरमध्ये ढकला. यामुळे झिप सहजपणे पुन्हा लागते.
56
४. पेपर क्लिप किंवा की-रिंग
झिप ओढायचा हँडल (Pull tab) तुटला असेल, तर त्याच्या छोट्या छिद्रात एक पेपर क्लिप किंवा जुनी की-रिंग अडकवा. तात्पुरतं काम भागवण्यासाठी हा एक उत्तम उपाय आहे आणि झिप ओढायला खूप मदत होते.
66
५. साबण किंवा व्हॅसलीन
झिप खूप घट्ट झाली असेल, तर सुक्या साबणाचा तुकडा, व्हॅसलीन किंवा खोबरेल तेल झिपच्या दातांवर लावा. त्यानंतर २-३ वेळा झिप ओढल्यास ती लगेच स्मूथ होईल. हे सोपे उपाय वापरल्यास तुमचा वेळ आणि पैसा दोन्ही वाचेल!
