शेफालीच्या मृत्यूवर बाबा रामदेव म्हणाले, ''मी साठी पार केली तरी तरुण, केवळ हार्डवेअरच नाही तर सॉफ्टवेअरही निरोगी ठेवा''

मुंबई - शेफाली जरीवाला हिच्या अचानक जाण्याने सर्वांनाच धक्का बसला आहे. ४२ व्या वर्षी फिट आणि ग्लॅमरस दिसणाऱ्या शेफाली हिचा हृदयविकाराच्या झटक्याने मृत्यू झाला. याबाबत बाबा रामदेव यांनी भाष्य केले आहे. आतुन मजबूत घ्या, असा संदेश दिलाय 

ही औषधेच कारणीभूत?

कांटा लागा गाण्याने प्रसिद्ध झालेल्या शेफाली जरीवाला हिच्या निधनाची चर्चा सध्या सर्वत्र सुरू आहे. फिटनेस फ्रेक असलेल्या शेफाली हिला हृदयविकाराचा झटका कसा आला याबद्दल अनेकांना प्रश्न पडला आहे. नियमित योगा आणि व्यायाम करणाऱ्या शेफालींच्या मृत्यूमागे अँटी-एजिंग औषधे कारणीभूत असल्याचा संशय व्यक्त केला जात आहे. सहा वर्षांपासून अँटी-एजिंग ट्रीटमेंट घेत असलेली शेफाली दररोज ही औषधे घेत असत.

हार्डवेअर ठीक, सॉफ्टवेअरमध्येच समस्या

अकाली मृत्यूंबद्दल बोलताना बाबा रामदेव म्हणाले की, आपण बाहेरून कितीही बलवान दिसत असलो तरी आतून कमजोर असलो तर धोका असतो. सिद्धार्थ शुक्ला यांचे उदाहरण देताना ते म्हणाले, "बाह्य लक्षणे चांगली असली तरी सिस्टीममध्ये बिघाड असल्यामुळेच मृत्यू ओढवला."

“आपल्या अनुवंशिकतेवर विश्वास ठेवा”

“प्रत्येक जीवाच्या जगण्याचा, तसेच पेशीचा एक निश्चित कालावधी असतो. जर आपण बाहेरून तो बदलण्याचा प्रयत्न केला तर आतून नुकसान होते,” असा इशारा बाबा रामदेव यांनी दिला. आपल्या मूळ डीएनएनुसार जगणे गरजेचे आहे.

माझं आरोग्य रहस्य हेच आहे

स्वतःच्या आरोग्याचे रहस्य सांगताना बाबा रामदेव म्हणाले, "मी ६० वर्षांपेक्षा जास्त वयाचा असूनही योग, चांगला आहार आणि दिनचर्येमुळे उत्साहाने जगतो." योग्य जीवनशैलीमुळे १०० वर्षांपर्यंत वृद्धत्व जाणवत नाही.

आहारच कारणीभूत

सर्व आजारांचे मूळ आपल्या आहारात असते, असे बाबा रामदेव म्हणाले. सध्याच्या जीवनशैलीत आपण मेंदू, हृदय, डोळे आणि यकृतावर जास्त ताण देतो. १०० वर्षांत जेवढे अन्न खायला हवे तेवढे आपण २५ वर्षांतच खातो.