२० एकर फार्महाऊससह सुंदर वराची अपेक्षा, व्हायरल जाहिरात

३० वर्षीय स्त्रीवादी तरुणी वर शोधत असल्याचे जाहिरातीत म्हटले आहे.

जीवनसाथीसाठी आवश्यक गुणांचे वर्णन करणाऱ्या अनेक विवाह जाहिराती सोशल मीडियावर व्हायरल होतात. अशीच एक वेगळी विवाह जाहिरात सध्या चर्चेत आहे. ३० वर्षीय स्त्रीवादी तरुणी वर शोधत असल्याचे जाहिरातीत म्हटले आहे.

२५ ते २८ वयोगटातील सुंदर आणि देखणा तरुणांमधून वर शोधत आहे. स्वतःचा व्यवसाय, बंगला आणि २० एकर फार्महाऊस असलेल्या श्रीमंत तरुणाची अपेक्षा असल्याचे जाहिरातीत म्हटले आहे. तसेच, स्वयंपाकही येणे आवश्यक आहे. उच्चशिक्षित तरुणी भांडवलशाहीविरुद्ध सामाजिक क्षेत्रात काम करत असल्याचे जाहिरातीत म्हटले आहे.

जाहिरातीचे चित्र ट्विटरवर व्हायरल झाले आहे. अनेकांनी पोस्टवर प्रतिक्रिया दिल्या आहेत. काहींनी आपल्या मित्रांना टॅग करून पोस्ट व्हायरल केली आहे. तर काहींनी ही जाहिरात बनावट असल्याचे म्हटले आहे.