Waynad landslide: चमत्कार! 40 दिवसांची मुलगी व 6 वर्षीय मुलगा पुरात सापडले जिवंत

केरळमधील वायनाडमध्ये भूस्खलनात मृतांची संख्या 319 वर पोहोचली आहे, तर 200 हून अधिक लोक अद्याप बेपत्ता आहेत. चार दिवस चाललेल्या बचाव मोहिमेदरम्यान एका चमत्कारिक घटनेत 40 दिवसांची मुलगी आणि 6 वर्षीय मुलाला पूरग्रस्त भागातून सुखरूप बाहेर काढण्यात आले. 

वायनाड : केरळमधील वायनाडमध्ये झालेल्या भूस्खलनाने आतापर्यंत 319 जणांचा बळी घेतला आहे. चार दिवसांपासून बचावकार्य सुरू असतानाही 200 हून अधिक लोक अद्याप बेपत्ता आहेत. या घटनेपासून लष्कर आणि एनडीआरएफचे पथक सातत्याने बचावकार्यात गुंतले आहेत. यादरम्यान शुक्रवारी वायनाडमध्येही एक चमत्कार पाहायला मिळाला. होय, हा निसर्गाचा चमत्कार म्हणता येईल की, दरड कोसळण्याच्या घटनेच्या चौथ्या दिवशी मदत आणि बचाव पथकाने ढिगाऱ्याखालून 40 दिवसांचे बाळ आणि 9 वर्षाच्या मुलाला सुखरूप बाहेर काढले. इतके दिवस ढिगाऱ्याखाली दबल्यानंतर जिवंत बाहेर येणे चमत्कारापेक्षा कमी नाही.

अनारा आणि हयान यांनी जगण्यासाठी केला संघर्ष

वायनाडमधील दुर्घटनेमुळे अनेक घरे उद्ध्वस्त झाली आणि हजारो लोक त्यांच्या कुटुंबांपासून विभक्त झाले. 300 हून अधिक लोकांचा मृत्यू झाला पण निसर्गाचा चमत्कारही इथे पाहायला मिळाला. येथे चौथ्या दिवशी जोरदार पूर आणि भूस्खलनाच्या दरम्यान, 40 दिवसांची मुलगी अनारा आणि तिचा 6 वर्षांचा भाऊ मोहम्मद हयान यांनी मृत्यूला हरवले आहे. बचाव पथकाने दोघांना सुखरूप बाहेर काढले आहे.

अनाराच्या आईने आपल्या मुलांना धरले होतं छातीशी 

आई तंजिरा आपली ४० दिवसांची मुलगी अनारा आणि मुलगा हयान यांच्यासोबत गच्चीच्या भिंतीला चिकटून बसली होती, पण त्याच दरम्यान तिचा मुलगा हयान जोराच्या प्रवाहाने वाहून गेला आणि काही अंतरावर गेल्यावर त्याला तो ताऱ्यांच्या जाळ्यात अडकला. तो जिवंत होता आणि त्याच्या सर्व शक्तीने ताऱ्यांना धरून होता. पाऊस आणि थंडीचा सामना करताना 40 दिवसांची अनाराही थरथर कापत होती पण तिने धीर सोडला नाही आणि बचाव पथकाने दोघांना सुखरूप वाचवले. मात्र, या घटनेत त्याच्या आईला जीव गमवावा लागला. त्यामुळे या आस्मानी संकटाशी दोन हात करणाऱ्या या चिमुकल्यांवरील मायेच छत्र हरपल्याने हळहळ व्यक्त करण्यात येत आहे.

आतापर्यंत 300 हून अधिक लोकांनी गमवला जीव

वायनाडमध्ये आतापर्यंत 300 हून अधिक लोकांचा मृत्यू झाला आहे. याशिवाय 200 हून अधिक लोक बेपत्ता आहेत. बचाव पथक सातत्याने शोध मोहीम राबवत असून मृतदेहांसह जखमींना दररोज बाहेर काढले जात आहे. लष्कराचे हेलिकॉप्टरही बचाव कार्यात गुंतले आहेत.

आणखी वाचा :