७६ वर्षीय वृद्धाने १२ वर्षीय मुलीशी विवाह केल्याचा व्हिडिओ खोटा

एक्स (पूर्वीचे ट्विटर) आणि इन्स्टाग्राम सारख्या सोशल मीडिया प्लॅटफॉर्मवर व्हिडिओ पोस्ट केल्याचे दिसून येते.

ढाका: बांगलादेशमध्ये ७६ वर्षीय वृद्धाने १२ वर्षीय मुलीशी विवाह केल्याचा दावा करणारा एक व्हिडिओ सोशल मीडिया प्लॅटफॉर्मवर फिरत आहे. या व्हिडिओचे वास्तव काय ते पाहूया.

प्रसार

'बांगलादेशमध्ये ७६ वर्षीय वृद्धाने १२ वर्षीय मुलीशी विवाह केला'- अशा प्रकारे व्हिडिओ एक्सवर पोस्ट केला आहे. व्हिडिओ एक मिनिट आणि १२ सेकंदांचा आहे. व्हिडिओमध्ये एक वृद्ध पुरुष बोलताना आणि त्याच्या जवळ एक महिला दिसत आहे. त्यांच्या मागे अनेक लोक आहेत. २१ नोव्हेंबर २०२४ रोजी एक्सवर पोस्ट केलेला हा व्हिडिओ आतापर्यंत एक लाखाहून अधिक लोकांनी पाहिला आहे. व्हिडिओमधील वृद्धाच्यावर टीका करणाऱ्या अनेक लोकांच्या प्रतिक्रिया ट्विटखाली दिसत आहेत.

तथ्य

पण व्हिडिओमध्ये दिसणारी घटना खरी नाही. पटकथेनुसार चित्रीकरण करून तयार केलेला हा व्हिडिओ खऱ्या घटनेचे दृश्य असल्याचा दावा करून अनेक जण प्रसारित करत आहेत. व्हिडिओमधील वृद्ध पुरुष, युवती आणि इतर सर्व लोक हे कलाकार आहेत हेच खरे. एक्सवर पोस्ट केलेल्या व्हिडिओचा मूळ व्हिडिओ एमबी टीव्ही या अकाउंटवरून YouTube वर पोस्ट केल्याचे दिसून येते. हा एक मनोरंजन चॅनल आहे अशी माहिती या YouTube चॅनलवर दिली आहे.

व्हिडिओमध्ये दिसणारी महिला याच YouTube चॅनलवरील इतर अनेक व्हिडिओमध्येही दिसली आहे.