उद्योगपती शशि रुईया यांचे निधन

एस्सार ग्रुपचे सह-संस्थापक शशि रुईया यांचे ८१ व्या वर्षी निधन झाले आहे. १९६९ मध्ये त्यांनी आपले बंधू रवी रुईया यांच्यासमवेत एस्सार ग्रुपची स्थापना केली होती.

भारतातील प्रसिद्ध उद्योगपती, एस्सार ग्रुपचे सह-संस्थापक शशि रुईया यांचे निधन झाले आहे. त्यांचे वय ८१ वर्षे होते. शशिकांत रुईया यांच्या निधनाबद्दल इस्सार संस्थेने दुःख व्यक्त केले असून, सामाजिक जाळताण ट्विटरवर शोक व्यक्त करत त्यांच्या निधनाची माहिती दिली आहे. रुईया आणि एस्सार कुटुंबाचे प्रमुख श्री शशिकांत रुईया यांच्या निधनाबद्दल आम्ही तीव्र दुःख व्यक्त करतो. त्यांचे वय ८१ वर्षे होते.

'समुदायाच्या उन्नतीसाठी आणि समाजसेवेसाठी अढळ वचनबद्धतेसह, त्यांनी आपला प्रभाव सोडला आणि लाखो लोकांच्या जीवनाला स्पर्श केला. त्यांची नम्रता आणि त्यांना भेटलेल्या प्रत्येकाशी संपर्क साधण्याची त्यांची क्षमता त्यांना खऱ्या अर्थाने असाधारण नेता बनवते. एक अद्वितीय उद्योजक, एस्सार ग्रुपचे अध्यक्ष श्री शशिकांत रुईया यांनी भारताच्या कॉर्पोरेट क्षेत्राला नवीन रूप देण्यात महत्त्वपूर्ण भूमिका बजावली आहे. त्यांनी एस्सार ग्रुपचा पाया रचला आणि त्याला जागतिक पातळीवर नेले. श्री. शशिकांत रुईया यांचा असाधारण वारसा आपल्या सर्वांसाठी मार्गदर्शक आणि प्रेरणास्थान राहील, आम्ही त्यांच्या दृष्टिकोनाचा आदर करू आणि त्यांच्या मूल्यांना जोपासत राहू' असे रुईया आणि एस्सार ग्रुपने ट्विटरवर पोस्ट केले आहे.

१९६९ मध्ये बांधकाम कंत्राटाने व्यवसाय सुरू केलेल्या रुईया बंधूंनी, ऊर्जा, इंधन, स्टील, टेलिकॉमसह अनेक क्षेत्रांमध्ये रुईया ग्रुपला प्रवेश मिळवून दिला. आर्थिक आव्हानांमध्येही रुईया यांनी राष्ट्रीय आणि आंतरराष्ट्रीय उद्योग क्षेत्रात महत्त्वपूर्ण भूमिका बजावली आहे. तसेच ते 'द एल्डर्स' नावाच्या एलीट ग्रुपमध्ये सामील झाले. (एलीट ग्रुप म्हणजे समाजात असामान्य प्रमाणात संपत्ती, अधिकार किंवा कौशल्य असलेल्या एका छोट्या गटातील लोक.)

शशि रुईया यांनी आपले बंधू रवी रुईया यांच्यासमवेत १९६९ मध्ये एस्सार ग्रुपची स्थापना केली. सुरुवातीला बांधकाम कंपनी म्हणून सुरू झालेल्या या कंपनीने मद्रास पोर्ट ट्रस्टकडून २.५ कोटी रुपयांचा जेट्टी बांधकाम प्रकल्प मिळवला. सुरुवातीला अभियांत्रिकी आणि बांधकाम कार्यातच गुंतलेल्या एस्सारने, पूल, धरणे, वीज प्रकल्प अशा अनेक महत्त्वाच्या पायाभूत सुविधा प्रकल्पांचे बांधकाम केले. १९८० मध्ये अनेक तेल आणि वायूशी संबंधित मालमत्ता मिळवून त्यांनी ऊर्जा क्षेत्रातही प्रवेश केला. १९९० मध्ये त्यांनी स्टील आणि दूरसंचार क्षेत्रातही आपला व्यवसाय वाढवला.