Sudarshan Setu :पंतप्रधान नरेंद्र मोदी द्वारका येथील सुदर्शन पुलाचे उद्घाटन करणार, पूल बांधण्यासाठी आला 980 कोटींचा खर्च

पंतप्रधान नरेंद्र मोदी हे रविवारी गुजरातमधील द्वारका येथे बांधण्यात आलेल्या सुदर्शन सेतूचे उदघाटन करणार आहेत. हा पूल बांधण्यासाठी 980 कोटी रुपये खर्च झाले आहेत. 

(Prime Minister Narendra Modi) : पंतप्रधान नरेंद्र मोदी (Narendra Modi) हे रविवारी (25 फेब्रुवारी) गुजरातमधील द्वारका येथे बांधण्यात आलेल्या सुदर्शन सेतूचे (Sudarsrshan Setu) उद्घाटन करणार आहेत. हा पूल ओखा मुख्य भूभाग आणि बायत द्वारका बेटाला जोडतो. ते तयार करण्यासाठी सुमारे 980 कोटी रुपये खर्च झाले आहेत. 2.32 किमी लांबीसह, हा भारतातील सर्वात लांब केबल-स्टेड पूल आहे.

सुदर्शन पुलाची रचना अतिशय खास पद्धतीची आहे. याच्या पदपथावर चालताना, भक्तांना श्रीमद्भगवद्गीतेतील श्लोक वाचता येतील आणि भगवान कृष्णाची चित्रे पाहता येतील. फूटपाथच्या छतावर सोलर पॅनल बसवण्यात आले असून, यातून एक मेगावाट वीजनिर्मिती होणार आहे. या पुलाच्या बांधकामामुळे भाविकांना द्वारका ते बायत-द्वारका दरम्यान ये-जा करण्याची सोय होणार आहे. पूर्वी लोकांना यासाठी बोटींचा वापर करावा लागायचा. हा पूल देवभूमी द्वारकेतील पर्यटकांचे प्रमुख आकर्षण ठरणार आहे.

• सुदर्शन सेतू पुलाची खास वैशिष्ट्ये
  सुदर्शन सेतू पूल स्टीलचे तोरण आणि पंख्यासारख्या पॅटर्नमध्ये मांडलेल्या केबल्सचा बनलेला आहे. हा केबल-स्टेड पूल आहे. या प्रकारच्या पुलामध्ये वजन स्टीलच्या केबल्सवर अवलंबून असते. ब्रिज डेक कंपोझिट स्टील आणि प्रबलित काँक्रीटचा बनलेला आहे.
  
• सुदर्शन सेतू (Sudarshan Setu) पुलाची रुंदी 27.2 मीटर आहे. ये-जा करण्यासाठी दोन लेन आहेत. यासोबतच दोन्ही बाजूला 8 फूट रुंद पदपथ आहे.
  
• फूटपाथ शेडच्या छतावर सोलर पॅनल बसवण्यात आले आहेत. यातून 1 मेगावॅट वीजनिर्मिती होईल.
  
• पुलाची एकूण लांबी 2,320 मीटर आहे. हा भारतातील सर्वात लांब केबल-स्टेड पूल आहे.
  
• पुलाचा मधला स्पॅन 500 मीटर लांब आहे. भारतात बांधलेला हा सर्वात लांब स्पॅन आहे.
  
• ओखा आणि बायत द्वारका काठावरील अप्रोच पुलांची लांबी अनुक्रमे 770 मीटर आणि 650 मीटर आहे.
  
• पुलाचे दोन तोरण 129.985 मीटर उंच आहेत. त्यांचा आकार ए सारखा आहे.
  
• पुलाला जोडलेल्या रस्त्याची एकूण लांबी 2.8 किलोमीटर आहे.
  
• पंतप्रधान नरेंद्र मोदी यांनी 7 ऑक्टोबर 2017 रोजी या पुलाची पायाभरणी केली होती.

आणखी वाचा : 
पगारासाठी वापरला जाणारा 'सॅलरी' शब्द नक्की कोठून आलाय? जाणून घ्या इतिहास
Deepfake च्या प्रकरणांना आळा बसण्यासाठी मेटाचा नवा प्लॅन, युजर्सला रिपोर्ट करणे होणार सोपे
अमेरिकेचे राष्ट्राध्यक्ष जो बायडेन यांचे डीपफेक फोटो-व्हिडीओ व्हायरल, White Houseने दिली अशी प्रतिक्रिया