शरद पवारांचा 'ऑपरेशन सिंदूर'ला पाठिंबा

शरद पवार यांनी 'ऑपरेशन सिंदूर'चे समर्थन केले आहे आणि राष्ट्रीय सुरक्षेच्या मुद्द्यावर सर्व राजकीय पक्षांना एकत्र येण्याचे आवाहन केले आहे. त्यांनी पंतप्रधान आणि संरक्षणमंत्र्यांशी संवाद साधून अभिनंदन व्यक्त केले.

राष्ट्रवादी काँग्रेस (शरद पवार गट)चे अध्यक्ष आणि माजी संरक्षणमंत्री शरद पवार यांनी 'ऑपरेशन सिंदूर' या भारतीय सशस्त्र दलांच्या कारवाईचे समर्थन करताना, राष्ट्रीय सुरक्षेच्या मुद्द्यावर सर्व राजकीय पक्षांनी एकत्र येण्याचे आवाहन केले आहे. त्यांनी पंतप्रधान नरेंद्र मोदी आणि संरक्षणमंत्री राजनाथ सिंह यांच्याशी संवाद साधून या कारवाईबद्दल अभिनंदन व्यक्त केले आणि सरकारला पूर्ण पाठिंबा असल्याचे स्पष्ट केले. 

ज्यात २६ निष्पाप नागरिकांचा मृत्यू झाला होता. या कारवाईत भारतीय हवाई दलाने पाकिस्तान आणि पाकव्याप्त काश्मीरमधील नऊ दहशतवादी ठिकाणांवर अचूक हल्ले केले.  शरद पवार यांनी या कारवाईचे समर्थन करताना म्हटले, "या कठीण काळात सरकारला आमचा पूर्ण पाठिंबा आहे. भारतीय सशस्त्र दलांनी अत्यंत अचूकतेने ही कारवाई केली असून, नागरिकांच्या सुरक्षेचा पूर्ण विचार करण्यात आला आहे." त्यांनी हेही स्पष्ट केले की, "देशाच्या सुरक्षेच्या मुद्द्यावर राजकारण न करता सर्वांनी एकत्र येणे आवश्यक आहे." 

'ऑपरेशन सिंदूर' या नावाबद्दल बोलताना पवार म्हणाले, “पहलगाम हल्ल्यात अनेक महिलांनी आपले पती गमावले. त्यांच्या सिन्दूराचा अपमान झाला. त्यामुळे या कारवाईला 'ऑपरेशन सिंदूर' हे नाव देणे योग्य आहे.” या कारवाईमुळे भारताने जागतिक स्तरावर दहशतवादाविरोधात कठोर भूमिका घेतल्याचा संदेश दिला आहे. पवार यांनी या कारवाईचे समर्थन करताना, देशाच्या सुरक्षेसाठी सर्वांनी एकत्र येण्याचे आवाहन केले आहे