उत्तर, पश्चिम भारतात या २० विमानतळांवरील नागरी उड्डाणे स्थगित, या तारखेपर्यंत उड्डाणांवर घातली बंदी

भारत सरकारच्या सूचनेनंतर उत्तर आणि पश्चिम भारतातील २० विमानतळांवरील नागरी उड्डाणे १० मे सकाळी ५:२९ वाजेपर्यंत स्थगित करण्यात आली आहेत.

नवी दिल्ली - भारत सरकारच्या सूचनेनंतर उत्तर आणि पश्चिम भारतातील २० विमानतळांवरील नागरी उड्डाणे १० मे सकाळी ५:२९ वाजेपर्यंत स्थगित करण्यात आली आहेत. ही कारवाई पाकिस्तान आणि पाकव्याप्त काश्मीरमधील (PoK) दहशतवादी अड्ड्यांवर भारतीय हवाई दलाने केलेल्या ऑपरेशन सिंदूरच्या पार्श्वभूमीवर करण्यात आली आहे.

बंद असलेले विमानतळ:

लेह, श्रीनगर, जम्मू, अमृतसर, पठाणकोट, चंदीगड, जोधपूर, जैसलमेर, जामनगर, भटिंडा, भुज, धर्मशाळा, शिमला, राजकोट, पोरबंदर, बीकानेर, हिंडन, किशनगढ, कांडला आणि ग्वाल्हेर.

एअरलाईन्सच्या घोषणा:

इंडिगो:

सरकारच्या नोटिफिकेशननंतर १६५ हून अधिक उड्डाणे रद्द. प्रवाशांना पूर्ण परतावा किंवा विनाशुल्क रिअबुकिंगची सुविधा दिली आहे.

एअर इंडिया:

जम्मू, श्रीनगर, लेह, जोधपूर, अमृतसर, भुज, जामनगर, चंदीगड आणि राजकोट येथील उड्डाणे १० मेपर्यंत रद्द. प्रवाशांना एकदाच रिअबुकिंग किंवा पूर्ण परताव्याचा पर्याय.

एअर इंडिया एक्सप्रेस:

अमृतसर, ग्वाल्हेर, जम्मू, श्रीनगर आणि हिंडन येथील उड्डाणांवर रद्द किंवा मोफत रिअबुकिंगची सुविधा.

स्पाईसजेट:

धर्मशाळा, लेह, जम्मू, श्रीनगर आणि अमृतसरसह उत्तर भारतातील उड्डाणांवर परिणाम; पुढील सूचना येईपर्यंत सेवा स्थगित.

परदेशी एअरलाईन्सनी पाकिस्तानचे हवाई क्षेत्र टाळले

२६ एप्रिलपासून पाकिस्तानने भारतीय उड्डाणांसाठी आपले हवाई क्षेत्र बंद केले आहे. त्यानंतर ६ मेपासून बहुतेक परदेशी विमान कंपन्यांनी देखील पाकिस्तानवरून उड्डाण करणे थांबवले आहे.

सिंगापूर एअरलाईन्स व स्कूट:

पाकिस्तानच्या हवाई क्षेत्राऐवजी पर्यायी मार्गांचा वापर; त्यामुळे काही उड्डाणांमध्ये वेळ वाढणार.

KLM (नेदरलँड्स):

अ‍ॅमस्टरडॅम–दिल्ली फ्लाइट १ तास तर अ‍ॅमस्टरडॅम–मुंबई फ्लाइट १ तास १५ मिनिटांनी जास्त वेळ घेणार.

युनायटेड एअरलाईन्स (USA):

न्यूयॉर्क–दिल्ली उड्डाण रद्द; पुढील स्थितीवर लक्ष ठेवून निर्णय घेतला जाईल.

ही बंदी १० मे रोजी सकाळी ५:२९ पर्यंत लागू आहे, मात्र परिस्थितीनुसार वेळ वाढवली जाण्याची शक्यता वर्तवली जात आहे.