Sant Bhagwan Baba | सावरगाव घाटात पंकजा मुंडेंच्या दसरा मेळाव्याची तयारी

बीडच्या पाटोदा तालुक्यातील सावरगाव घाट येथील भगवान भक्ती गडावर पंकजा मुंडे यांच्या उपस्थितीत होणाऱ्या १२ व्या दसरा मेळाव्याची तयारी वेगात सुरू आहे. 'आपला दसरा, आपली परंपरा' या घोषवाक्यासह होणाऱ्या मेळाव्यासाठी पंकजा मुंडेंनी भक्तांना उपस्थित राहण्याचं आवाहन केलं आहे. जिल्ह्यात दुष्काळी परिस्थिती असतानाही मेळावा होणार असून राज्यभरातून हजारो लोक उपस्थित राहण्याची अपेक्षा आहे. वाहनांसाठी सभास्थळाजवळ पार्किंग, दोन लाख लिटर पिण्याचं पाणी आणि जेवणाची व्यवस्था गावकऱ्यांकडून करण्यात आली आहे. या मेळाव्यात पंकजा मुंडे काय बोलणार, याकडे राज्याचं लक्ष लागलं आहे.