शबरीमला मंदिरातील सोने चोरी प्रकरणी मुख्य पुजारी कंदरारू राजीवरू यांना अटक

Sabarimala Temple Chief Priest Kandararu Rajeevaru Arrested : शबरीमला मंदिरातील सोनं चोरी प्रकरणी, मुख्य पुजारी (तंत्री) कंदरारू राजीवरू यांना विशेष तपास पथकाने (SIT) अटक केली आहे. मुख्य आरोपी उन्नीकृष्णन पोट्टी याच्या जबाबानुसार ही अटक करण्यात आली.

Sabarimala Temple Chief Priest Kandararu Rajeevaru Arrested : शबरीमला मंदिराचे मुख्य पुजारी (तंत्री) कंदरारू राजीवरू यांना मंदिराच्या आवारातून सोनं चोरी केल्याप्रकरणी विशेष तपास पथकाने (SIT) अटक केली आहे. मंदिराच्या आवारातून सोन्याचे दागिने गायब झाल्याची बाब समोर आल्यानंतर काही दिवसांनी ही कारवाई झाली आहे. अधिकाऱ्यांनी या प्रकरणाचा सविस्तर तपास सुरू केला आहे. तपासाचा भाग म्हणून राजीवरू यांना चौकशीसाठी अटक केली आहे.

PTI च्या वृत्तानुसार, सूत्रांच्या हवाल्याने, तंत्री यांची सकाळी अज्ञातस्थळी चौकशी करण्यात आली. त्यानंतर दुपारी त्यांना SIT कार्यालयात नेण्यात आले, जिथे त्यांना अटक करण्यात आली.

पोट्टीसोबत राजीवरू यांचे घनिष्ठ संबंध

मुख्य आरोपी उन्नीकृष्णन पोट्टी आणि त्रावणकोर देवस्वम बोर्डाचे माजी अध्यक्ष पद्मकुमार यांनी दिलेल्या जबाबाच्या आधारे ही अटक करण्यात आल्याचे तपास अधिकाऱ्यांनी सांगितले. राजीवरू यांचे पोट्टीसोबत जवळचे संबंध असल्याचा आरोप SIT ने केला आहे.

तपास पथकाच्या निष्कर्षानुसार, राजीवरू यांनी मंदिरात द्वारपालक (रक्षक देवता) फलक आणि श्रीकोविल (गर्भगृह) दरवाजाच्या चौकटीचे फलक पुन्हा बसवण्याची शिफारस केली होती. तपासादरम्यान त्यांची यापूर्वीही चौकशी करण्यात आली होती. या प्रकरणाचा पुढील तपास सध्या सुरू आहे.