Rameshwaram Cafe : बंगळुरू येथील रामेश्वरम कॅफे बॉम्बस्फोटाची एनआयएकडे दिली जबाबदारी, गृह मंत्रालयाने दिली माहिती

बंगळुरू येथील रामेश्वरम कॅफेत झालेल्या स्फोटाचा तपास राष्ट्रीय तपास यंत्रणेकडे देण्यात आला आहे. यासंदर्भातील माहिती गृह मंत्रालयाने दिली आहे. 

Rameshwaram Cafe : बंगळुरू येथील रामेश्वरम कॅफेमध्ये झालेल्या स्फोटाचा तपास राष्ट्रीय तपास यंत्रणेकडे (NIA) सोपवण्यात आला आहे. गृह मंत्रालयाच्या हवाल्याने सोमवारी (4 मार्च) ही माहिती देण्यात आली. तत्पूर्वी, सूत्रांनी सांगितले की, स्फोटातील संभाव्य संशयित आरोपी सीसीटीव्ही फुटेजमध्ये दिसत होता. संशयिताने टोपी, मास्क आणि चष्मा घातलेला होता. मात्र, अद्यापही त्याचा ठावठिकाणा लागलेला नाही. 1 मार्च रोजी पूर्व बंगळुरूच्या ब्रुकफिल्ड येथील रामेश्वरम कॅफेमध्ये झालेल्या स्फोटात किमान नऊ जण जखमी झाले होते.

या प्रकरणातील आरोपींना लवकरच अटक करण्यात येईल, असे आश्वासन कर्नाटकच्या गृहमंत्र्यांनी दिले. यापूर्वी कर्नाटकचे गृहमंत्री जी परमेश्वरा यांनी सांगितले होते की त्यांनी स्फोटाचे 40-50 सीसीटीव्ही फुटेज मिळवले आहेत. कर्नाटक गृहमंत्री पुढे म्हणाले की, तपासासाठी अनेक पथके तयार करण्यात आली आहेत. सखोल तपास सुरू असून काही पुरावे मिळाले आहेत. सीसीटीव्ही फुटेजवरून काही माहिती गोळा करण्यात आली आहे. तो (संशयित) बसने आल्याची माहिती आहे. वृत्तसंस्था पीटीआयने परमेश्वराचा हवाला देत सांगितले की, बस प्रकरण उघडकीस आल्यानंतर बंगळुरू मेट्रोपॉलिटन ट्रान्सपोर्ट कॉर्पोरेशन (बीएमटीसी) चीही चौकशी केली जात आहे.

रामेश्वरम कॅफे मालकाचे विधान
बंगळुरू येथील रामेश्वरम कॅफेच्या मालकाने या स्फोटाचा हवाला देत म्हटले आहे की, या स्फोटात कोणतेही व्यावसायिक शत्रुत्व नव्हते. हॉटेल व्यावसायिक हे माझ्या भावा-बहिणींसारखे आहेत. स्फोटामागे व्यावसायिक वैरही कारण असू शकते, असा दावा कर्नाटकच्या गृहमंत्र्यांनी केल्यामुळे त्यांनी हे सांगितले.
आणखी वाचा - 
पंतप्रधान नरेंद्र मोदी तीन दिवसात पाच राज्यांचा भेट देणार, जाणून घ्या दौऱ्याचे वेळापत्रक
Pakistan Election : शाहबाज शरीफ दुसऱ्यांदा पाकिस्तानचे पंतप्रधान म्हणून आले निवडून, संसदीय मतदानात जिंकले
जास्त जगण्याचे रहस्य सापडले! संशोधनात काय आले समोर?