कोण आहे मॉडेल सान रॅचेल? मिस वल्ड ब्लॅक ब्यूटी विनरचा सापडला मृतदेह, पोलिसांना आत्महत्येचा संशय

मुंबई - काळ्या रंगाची मॉडेल सान रॅचेलने अनेक पुरस्कार जिंकून मॉडेलिंग क्षेत्रात यश मिळवले होते. झोपेच्या गोळ्यांचे अतिसेवन केल्याने तिचा मृत्यू असल्याचे सांगितले जात आहे. कर्जबाजारीपणामुळे ती मानसिक तणावाखाली होती. जाणून घ्या तिच्याबद्दल…

सान रॅचेलने तिच्या काळ्या रंगाचा अभिमान बाळगला

गोरी त्वचाच सुंदर असते या समजुतीला आव्हान देत, सान रॅचेलने तिच्या काळ्या रंगाचा अभिमान बाळगला आणि जागतिक स्तरावर यश मिळवले. तिने अनेक जाहिरातींमध्ये मॉडेल म्हणून काम केले आणि विविध कंपन्यांच्या सौंदर्यप्रसाधनांची ब्रँड अम्बेसेडरही होती.

तिने सोशल मीडियावर तिचे फोटोशूट शेअर करून चाहत्यांची संख्या वाढवली. पुदुचेरीच्या करमाणीकुप्पम येथील सान रॅचेलने गेल्या वर्षी सत्य याच्याशी लग्न केले. त्याच्यासोबत ती सुखात राहत होती.

मॉडेलिंगचे प्रशिक्षण

सान रॅचेलने मिस बेस्ट अ‍ॅटिट्यूड २०१९, मिस डार्क क्वीन तमिळनाडू २०१९, मिस पुदुचेरी २०२०, क्वीन ऑफ चेन्नई २०२३, २०२३ मिस आफ्रिका गोल्डन इंडिया असे अनेक पुरस्कार जिंकले. ती तरुणींना मॉडेलिंगचे प्रशिक्षण देण्यासाठी एक केंद्रही चालवत होती.

तिने घरी झोपेच्या आणि रक्तदाबाच्या गोळ्यांचे अतिसेवन केले. तिचा भाऊ आणि वडील तिला पुदुचेरीच्या सरकारी रुग्णालयात घेऊन गेले.

दोन्ही किडनी निकामी

काही दिवस रुग्णालयात राहिल्यानंतर ती घरी परतली. त्यानंतर तिचे हातपाय सुजले आणि तिची प्रकृती बिघडली. तिला पुन्हा एकदा खाजगी रुग्णालयात दाखल करण्यात आले.

गोळ्यांच्या अतिसेवनामुळे तिच्या दोन्ही किडनी निकामी झाल्याचे डॉक्टरांनी सांगितले. तिला जिमर रुग्णालयात हलवण्यात आले, जिथे तिचा मृत्यू झाला.

फॅशन शोसाठी घेतले कर्ज

या घटनेने पुडुचेरीत खळबळ उडाली आहे. पोलिसांनी गुन्हा दाखल करून तपास सुरू केला आहे. तिच्या मृत्यूपूर्वी तिने लिहिलेल्या चिठ्ठीत तिने कोणालाही जबाबदार धरलेले नाही.

फॅशन शो आयोजित करण्यासाठी तिने कर्ज घेतले होते आणि कर्जाचा ताण वाढल्याने ती मानसिक तणावाखाली होती असे म्हटले जात आहे. पोलिस आणखी कारणांचा शोध घेत आहेत.