PM Kisan 24th Installment : शेतकऱ्यांसाठी आनंदाची बातमी, २४ वा हप्ता खात्यात कधी येणार?

अधिकारी सांगतात की, प्रधानमंत्री किसान सन्मान निधीचा २४ वा हप्ता लवकरच रिलीज होणार आहे. पात्र शेतकऱ्यांनी आपला मोबाईल नंबर आणि ई-केवायसी ऑनलाईन अपडेट करून घेणे गरजेचे आहे.

पीएम किसानचा २४ वा हप्ता येतोय.. या चुका टाळा

देशभरातील कोट्यवधी शेतकरी प्रधानमंत्री किसान सन्मान निधी योजनेच्या २४ व्या हप्त्याची वाट पाहत आहेत. केंद्र सरकार या योजनेअंतर्गत पात्र शेतकरी कुटुंबांना वर्षाला ६,००० रुपयांची आर्थिक मदत देते. ही रक्कम दर चार महिन्यांनी २,००० रुपये याप्रमाणे तीन हप्त्यांमध्ये थेट शेतकऱ्यांच्या बँक खात्यात जमा केली जाते.

मागील हप्त्यांचे वेळापत्रक पाहता, ऑक्टोबरच्या शेवटच्या आठवड्यापासून ते १५ नोव्हेंबरपर्यंत २४ व्या हप्त्याचे पैसे शेतकऱ्यांच्या खात्यात जमा होण्याची शक्यता आहे. सरकारने अद्याप अधिकृत तारीख जाहीर केलेली नाही, पण संबंधित विभागांनी शेतकऱ्यांना काही महत्त्वाच्या सूचना दिल्या आहेत.

पीएम किसान : मोबाईल नंबर अपडेट करणे का महत्त्वाचे आहे?

शेतकऱ्यांनी पीएम किसान पोर्टलवर आपला मोबाईल नंबर अचूक ठेवणे खूप गरजेचे आहे. रेकॉर्डमध्ये जुना किंवा चुकीचा नंबर असल्यास, सरकारचे महत्त्वाचे मेसेज आणि अलर्ट्स तुम्हाला मिळणार नाहीत. खात्यात २,००० रुपये जमा होताच बँकेचा मेसेज येण्यासाठी मोबाईल नंबर लिंक असणे आवश्यक आहे.

जर तुमचा नंबर बदलला असेल, तर तो लगेच ऑनलाईन बदलून घ्या. अन्यथा पुढच्या हप्त्याची माहिती न मिळाल्याने अडचण येऊ शकते. तसेच, एनपीसीआय (NPCI) मॅपिंग आणि आधार लिंकिंग बरोबर आहे की नाही, हे आधीच तपासून घेणे फायद्याचे ठरते.

ऑनलाईन मोबाईल नंबर कसा बदलायचा?

पीएम किसान खात्यातील मोबाईल नंबर बदलणे खूप सोपे आहे. खालील स्टेप्स फॉलो करून तुम्ही हे काम करू शकता..

• सर्वात आधी तुमच्या मोबाईल किंवा लॅपटॉपवर pmkisan.gov.in ही अधिकृत वेबसाईट ओपन करा.

• होमपेजवर मोबाईल नंबर अपडेट करण्याचा पर्याय शोधा.

• तुमचा आधार नंबर किंवा रजिस्ट्रेशन नंबर टाका.

• स्क्रीनवर दिसणाऱ्या सूचना फॉलो करा.

• नवीन मोबाईल नंबर टाकून ओटीपी (OTP) व्हेरिफिकेशन पूर्ण करा.

• प्रोसेस पूर्ण झाल्यावर तुमचा नंबर अपडेट झालाय की नाही, हे नक्की तपासा. जर ऑनलाईन पर्याय दिसत नसेल, तर तुम्ही जवळच्या कॉमन सर्व्हिस सेंटर (CSC) किंवा कृषी विभागाच्या कार्यालयाशी संपर्क साधू शकता.

४,००० रुपये जमा होण्याची संधी कोणाला मिळणार?

काही शेतकऱ्यांचे मागील हप्त्याचे पैसे अडकले असतील. जर तुमचा २३ वा हप्ता काही तांत्रिक अडचणींमुळे थांबला असेल, तर तो क्लिअर झाल्यानंतर २४ व्या हप्त्यासोबत एकूण ४,००० रुपये तुमच्या खात्यात जमा होण्याची शक्यता आहे. पण हा नियम सर्वांना लागू होत नाही.

ज्यांचे पैसे आधी अडकले होते, त्यांच्या कारणावर हे अवलंबून असेल. तसेच, काही भागांमध्ये तपासणीदरम्यान हजारो लोक अपात्र ठरल्याचे रिपोर्ट्स आले आहेत. त्यामुळे तुमच्या माहितीत कोणतीही चूक नसेल, याची काळजी घेणे महत्त्वाचे आहे.

ऑनलाईन बेनिफिशियरी स्टेटस कसे तपासायचे?

लाभार्थी यादीत तुमचे नाव आहे की नाही, हे तुम्ही घरबसल्या असे तपासू शकता..

• pmkisan.gov.in या वेबसाईटवर जा.

• होमपेजवरील 'Know Your Status' या पर्यायावर क्लिक करा.

• तुमचा रजिस्ट्रेशन नंबर आणि कॅप्चा कोड टाका.

• 'Get Data' वर क्लिक केल्यावर तुम्हाला तुमचे ई-केवायसी (e-KYC) स्टेटस आणि पात्रतेचा तपशील दिसेल.

पात्र असूनही पैसे मिळवण्यासाठी शेतकऱ्यांनी ई-केवायसी, लँड रेकॉर्ड व्हेरिफिकेशन आणि आधार-बँक अकाउंट लिंकिंग नक्की पूर्ण करून ठेवले पाहिजे.