अरविंद केजरीवाल यांच्यावरील टिपण्यांवर भारताने घेतली कठोर भूमिका, अमेरिकन राजनैतिकाला बोलावले

मुख्यमंत्री अरविंद केजरीवाल यांच्या प्रकरणाबाबत अमेरिकेच्या राजनैतिक विभागाने केलेल्या वक्तव्यावर भारताने तीव्र नाराजी व्यक्त केली आहे. याप्रकरणी भारताने अमेरिकन राजनैतिकाला बोलावले आहे. बुधवारी या संदर्भात दिल्लीत परराष्ट्र मंत्रालयातील अमेरिकेच्या कार्यवाहक मिशन उपप्रमुख ग्लोरिया बारबेना यांच्याशी सुमारे चाळीस मिनिटे चर्चा झाली. या वेळी अमेरिकेला भारताच्या अंतर्गत बाबींमध्ये हस्तक्षेप किंवा कोणतीही टिप्पणी न करण्याच्या सूचना देण्यात आल्या. 

या संदर्भात परराष्ट्र मंत्रालयाने म्हटले आहे की, दिल्लीचे मुख्यमंत्री अरविंद केजरीवाल यांच्या प्रकरणांवर अमेरिकेच्या परराष्ट्र विभागाच्या प्रवक्त्याने केलेल्या टिप्पणीवर भारताने म्हटले आहे की, अमेरिकेने देशाच्या काही कायदेशीर कारवाईत हस्तक्षेप करू नये. सर्व देशांनी एकमेकांच्या सार्वभौमत्वाचा आणि अंतर्गत बाबींचा आदर केला पाहिजे. भारताची कायदेशीर प्रक्रिया स्वतंत्र न्यायव्यवस्थेवर आधारित आहे आणि वेळेवर निर्णय घेण्यासाठी ओळखली जाते. त्यावर भाष्य करणे चुकीचे आहे.

जर्मनी दूतावासालाही बोलावण्यात आले होते.
जर्मनी दूतावासानेही अरविंद केजरीवाल यांच्या प्रकरणावर भाष्य केले होते. अशा स्थितीत त्यांनाही काही काळापूर्वी समन्स बजावण्यात आले होते. भारताने जर्मन दूतावासाचे डेप्युटी चीफ जॉर्ज एन्झ्वेलर यांनाही बोलावून देशाच्या अंतर्गत बाबींमध्ये ढवळाढवळ न करण्याच्या सूचना दिल्या होत्या. भारताने म्हटले होते की, जर्मनीने भारतीय बाबींमध्ये अवाजवी हस्तक्षेप करणे म्हणजे चुकीचे आहे. जर्मनी दूतावासाने अशी टिप्पणी करणे टाळावे.

केजरीवाल प्रकरणी दिल्ली उच्च न्यायालयात सुनावणी सुरू
दिल्लीचे मुख्यमंत्री अरविंद केजरीवाल यांच्या प्रकरणाची दिल्ली उच्च न्यायालयात सुनावणी सुरू आहे. केजरीवाल यांच्या अटकेबाबत आज काही निर्णय येऊ शकतो. लोकसभा निवडणुकीत केजरीवाल तुरुंगात राहणार की तुरुंगाबाहेर, हे निर्णय आल्यावर कळेल.
आणखी वाचा - 
माझे पती मुख्यमंत्री अरविंद केजरीवाल 28 मार्चला पुराव्यासह सत्य उघड करतील, सुनीता केजरीवाल यांनी केला दावा
Lok Sabha Election 2024 : भाजपकडून मध्य प्रदेशातील 40 स्टार प्रचारकांची यादी जारी, उमा भारतींसह प्रज्ञा सिंह ठाकुर यांना वगळले