Bangalore Metro : बंगळुरू मेट्रो फक्त VIP लोकांसाठी आहे का? शेतकऱ्याचे घाणेरडे कपडे पाहून No Entry
बंगळूर मेट्रो स्टेशनवर एका शेतकऱ्याचे घाणेरडे कपडे पाहून मेट्रो कर्मचाऱ्यांनी त्याला हाकलून लावले. त्यामुळे सोशल मीडियावरील लोक संतापले आहेत.
vivek panmand
Metro News : बंगळुरूमधील राजाजीनगर मेट्रो स्टेशनवर एक घटना घडली, त्यामुळे सोशल मीडिया प्लॅटफॉर्मवर चांगलाच गोंधळ उडाला. असे झाले की, एका शेतकऱ्याला त्याच्या कपड्यांमुळे मेट्रो स्टेशनमध्ये (Metro Station)) प्रवेश नाकारण्यात आला. या घटनेनंतर उपस्थित नागरिकांमध्ये संतापाची लाट पसरली. एका प्रवाशाने मेट्रो स्टेशनवरील संपूर्ण घटनेचे त्याच्या मोबाइल फोनवर चित्रीकरण देखील केले, त्यामध्ये मेट्रोच्या कर्मचाऱ्यांकडून शेतकऱ्यासोबत कसे गैरवर्तन केले जात आहे, हे आपण पाहू शकता.
प्रत्यक्षदर्शीनी दिलेल्या माहितीनुसार, शेतकऱ्याचे कपडे अतिशय घाण असल्याने त्याला मेट्रोमध्ये प्रवेश करण्यापासून रोखण्यात आले. त्यांच्या विनवणी आणि स्पष्टीकरणानंतरही कर्मचाऱ्यांनी हा आग्रह धरला की केवळ चांगले कपडे घातलेले प्रवासीच मेट्रोमध्ये चढू शकतात. मात्र नंतर हे प्रकरण उघडकीस आल्यावर या प्रकरणाशी संबंधित आरोपी कर्मचाऱ्याला निलंबित करण्यात आले.
बंगळुरू (Banglore) मेट्रोची घटना पाहिल्यानंतर सोशल मीडियावर संतापले लोक
बंगळुरूच्या राजाजीनगर मेट्रो स्थानकावर परिस्थिती बिघडत असल्याचे पाहून अन्य एका प्रवाशाने हस्तक्षेप करत कर्मचाऱ्यांनी शेतकऱ्याशी केलेल्या वागणुकीबद्दल नाराजी व्यक्त केली. मात्र या विषयावर बोलण्याऐवजी मेट्रो कर्मचाऱ्यांनी संबंधित प्रवाशाला घटनास्थळावरून दूर नेले. या घटनेचा व्हिडीओ पाहिल्यानंतर सोशल मीडिया प्लॅटफॉर्मवर त्याचा मोठ्या प्रमाणात निषेध व्यक्त करण्यात आला. मेट्रो कर्मचाऱ्यांच्या वागणुकीबद्दल युजर्सनी प्रचंड संताप व्यक्त केला. त्यांनी या प्रकरणाशी संबंधित कर्मचाऱ्यावर कारवाई करण्याबाबत मागणी केली आणि त्यानंतर बीएमआरसीएएलच्या व्यवस्थापकीय संचालकांनी तातडीने कारवाई केली.
या घटनेची गंभीर दखल घेत या प्रकरणात सहभागी असलेल्या कर्मचाऱ्याला निलंबित करण्याचे आदेश दिले. चुकीच्या पद्धतीने शेतकऱ्याला एण्ट्री दिल्याने हा निर्णय घेण्यात आला आहे. यावर BMRCALचे MD म्हणाले, "सर्व प्रवाशांना त्यांच्या पोशाखाची पर्वा न करता त्यांना योग्य आणि आदराने वागवले जाईल, याची खात्री करणे महत्त्वाचे आहे. मेट्रो वापरण्यासाठी चांगल्या कपड्यांची आवश्यकता असेल असा कोणताही नियम नाही.
आणखी वाचा -
Prime Minister Narendra Modi : पंतप्रधान नरेंद्र मोदी यांनी 41,000 कोटी रुपयांच्या पायाभूत सुविधा प्रकल्पांचे केले उद्घाटन
LIC Claim : LIC Claim करण्यासाठी स्टेप्स करा फॉलो, महिनाभरात खात्यात जमा होईल रक्कम
'फक्त माझ्या मनालाच माहिती', कोणत्या कारणासाठी दिल्लीचे CM केजरीवालांना हवाय नोबेल पुरस्कार?
)
)
)
)