अंधश्रद्धेच्या विळख्यात आईनं हरवला जीव – दोन वर्षांच्या मुलाचा मृत्यू

फरीदाबादमध्ये एका आईने आपल्या दोन वर्षांच्या मुलाला 'जिन्न' समजून नाल्यात फेकून दिल्याची धक्कादायक घटना घडली आहे. एका तंत्रिकाने दिलेल्या माहितीवरून तिने हे कृत्य केल्याचे पोलिसांनी सांगितले.

फरीदाबाद | प्रतिनिधी आईपणाच्या मायेवर अंधश्रद्धेचा अंधार पडला, आणि मातेचं काळीज एवढं कठोर झालं की, दोन वर्षांच्या बाळाला 'जिन्न' समजून नाल्यात फेकून दिलं. ही धक्कादायक घटना हरियाणातील फरीदाबाद शहरात उघडकीस आली असून, अंधश्रद्धा, अशिक्षा आणि मानसिक आरोग्याच्या दुर्लक्षिततेचं हे भीषण उदाहरण मानलं जात आहे.

तंत्रिकाने सांगितलं – “हा मुलगा जिन्न आहे” पोलिसांच्या प्राथमिक चौकशीनुसार, आरोपी महिलेने सांगितले की, एक तंत्रिकाने तिला सांगितलं की तिचा मुलगा 'जिन्न' आहे आणि तो तिच्या आयुष्यात वाईट घडवतो. या अंधश्रद्धेवर विश्वास ठेवून ती आपल्या मुलाला बल्लभगडजवळील एका कालव्यात घेऊन गेली आणि पाण्यात ढकलून दिलं.

पोलिसांकडून आईस अटक

शोध सुरू महिलेच्या पतीने आणि स्थानिकांनी तक्रार दाखल केल्यानंतर पोलिसांनी तिला ताब्यात घेतले आहे. कालव्यात शोध मोहीम सुरू आहे. तंत्रिकाच्या भूमिकेचा तपास सुरू असून, अंधश्रद्धा निर्मूलन कायद्याअंतर्गत कारवाई होण्याची शक्यता आहे.

अशिक्षा आणि अंधश्रद्धेचा घातक संगम या घटनेनं पुन्हा एकदा दाखवून दिलं की, अंधश्रद्धा, अज्ञान आणि मानसिक अस्वस्थता यांचा संगम किती विनाशक ठरू शकतो. आईसारखी व्यक्ती जर अशा चुकीच्या समजुतींवर विश्वास ठेवून आपल्या लेकराचं जीवन संपवू शकते, तर ही केवळ गुन्हेगारी घटना नसून सामाजिक आपत्ती आहे.