मूडीजच्या रेटिंगनुसार, G-20 मधील देशांमध्ये भारत सर्वात वेगाने वाढणारा देश, GDP किती टक्क्यांनी वाढला?
सार
लोकसभा निवडणुकीचे शेवटच्या टप्यातील मतदान बाकी असताना एक चांगली बातमी आली आहे. मूडीजने जी २० राष्ट्रांमध्ये भारताचा सर्वात वेगाने वाढणारा देश म्हणून गौरव केला आहे.
लोकसभा निवडणुकीदरम्यान भारताबाबत चांगली बातमी ऐकायला मिळताना दिसत आहे. रेटिंग एजन्सी मूडीजने G-20 राष्ट्रांमध्ये भारताचा सर्वात वेगाने वाढणारा देश म्हणून वर्णन केले आहे. भारताचा आर्थिक विकास दरही ८ टक्क्यांपर्यंत वाढण्याची शक्यता वर्तवली जात आहे. जीडीपीमध्ये इतकी अभूतपूर्व वाढ यापूर्वी कधीही अपेक्षित नव्हती. अशा स्थितीत भारत हा विकासाच्या मार्गावर सर्वात वेगाने वाटचाल करणारा देश बनला आहे.
देशांतर्गत वापर आणि भांडवली खर्चामुळे जीडीपी वाढणार
आरबीआयचे गव्हर्नर शक्तीकांत दास यांनी एक दिवस आधी सांगितले होते की चालू आर्थिक वर्षात देशाचा आर्थिक विकास दर 8 टक्क्यांच्या आसपास असू शकतो. दुसऱ्याच दिवशी, आंतरराष्ट्रीय रेटिंग एजन्सी मूडीजने सांगितले की देशांतर्गत वापर आणि भांडवली खर्चामुळे भारताचा जीडीपी आर्थिक वर्ष 2024 मध्ये 6.6 टक्क्यांवरून सुमारे 8 टक्क्यांपर्यंत वाढण्याची अपेक्षा आहे. G-20 देशांमध्ये भारत सर्वात वेगाने वाढणारी अर्थव्यवस्था म्हणून उदयास आला आहे, असे मूडीजने शुक्रवारी सांगितले. भारताचा GDP 2024 मध्ये सुमारे 6.8% आणि 2025 मध्ये 6.4% वाढण्याची अपेक्षा आहे. मूडीजने म्हटले आहे की आरबीआय लवकरच आपले धोरण शिथिल करेल असे वाटत नाही.
भारताचा नवीनतम GDP डेटा
आर्थिक वर्ष 2022-23 मधील 7.0 टक्के वाढीच्या तुलनेत 2023-24 मध्ये भारताचा वास्तविक GDP 8.2 टक्क्यांनी वाढण्याचा अंदाज आहे. जानेवारी-मार्च तिमाहीत सकल देशांतर्गत उत्पादन वाढीचा दर वार्षिक 6.6% च्या तुलनेत 7.8% राहिला. निवडणुकीच्या पार्श्वभूमीवर ही आकडेवारी जाहीर करण्यात आली आहे.
आणखी वाचा -
खासदार प्रज्वल रेवण्णाला ६ जूनपर्यंत पोलीस कोठडी, सगळीच प्रकरण येणार बाहेर?
24X7 एसी वापरत असाल तर नक्की या टिप्स लक्षात ठेवा, नोएडा घटनेनंतर अग्निशमन विभागाने सांगितल्या टिप्स