HORRIABLE : हा व्हिडिओ बघून तुमच्या काळजाचा ठोकाच चुकेल, Reel साठी जीव टाकला धोक्यात!

व्हिडिओ बनवून सोशल मीडियावर शेअर करायचा आणि व्हायरल व्हायचं, यासाठी एका तरुणाने केलेला धोकादायक स्टंट. व्हिडिओ व्हायरल झाला, पण त्याला प्रचंड टीकाही सहन करावी लागली. Reel

सोशल मीडियावर व्हायरल होण्यासाठी काही लोक काहीही करायला तयार असतात. त्यासाठी स्वतःचा जीव धोक्यात घालायला किंवा इतरांचे जीव धोक्यात आणायलाही त्यांना काहीच वाटत नाही. अशा धक्कादायक घटनांचे अनेक व्हिडिओ आपण पाहिले असतील. आता असाच एक व्हिडिओ लोकांमध्ये संताप निर्माण करत आहे. रेल्वे ट्रॅकवर झोपलेल्या एका तरुणाचा हा व्हिडिओ आहे. व्हायरल होण्यासाठी ट्रेन येत असतानाही हा तरुण ट्रॅकवर झोपून व्हिडिओ बनवत आहे, अशी टीका होत आहे.

निधी आंबेडकर या युजरने हा व्हिडिओ एक्स (ट्विटर) वर शेअर केला आहे. रील बनवण्यासाठी लोक आपला जीव धोक्यात घालत आहेत. अशा लोकांवर सरकारने कडक कारवाई करावी, असे व्हिडिओच्या कॅप्शनमध्ये म्हटले आहे.

व्हिडिओमध्ये एक तरुण रेल्वे ट्रॅकवर झोपलेला दिसत आहे. त्याचवेळी एक ट्रेन येत आहे. ट्रेन येईपर्यंत तो तरुण ट्रॅकवरच झोपलेला राहतो. ट्रेन गेल्यानंतर तो तरुण कोणतीही दुखापत न होता उठून येतो. व्हिडिओ बनवणारी व्यक्ती त्या तरुणाला कसे झोपायचे याचे निर्देशही देत आहे.

व्हिडिओ व्हायरल झाल्यानंतर अनेकांनी तरुणाच्या कृत्यावर टीका केली आहे. असे प्रकार आता सामान्य झाले आहेत, कुठेही पाहिले तरी अशा मूर्खपणा करणारे लोक दिसतात, असे एका युजरने म्हटले आहे. तर दुसऱ्या एका युजरने अशा लोकांवर कडक कारवाई करावी, असे म्हटले आहे. रीलसाठी स्वतःचा जीव धोक्यात घालणारे लोक, अशी काहींनी टीका केली आहे.