IPS अधिकाऱ्याचा अपघाती मृत्यू, पहिल्या पोस्टिंगसाठी जात असताना घडली घटना
हासन: कर्नाटकातील हासन जिल्ह्यात पहिल्या पोस्टिंगचा पदभार स्वीकारण्यासाठी जाणाऱ्या भारतीय पोलीस सेवेतील (आयपीएस) अधिकाऱ्याचा अपघाती मृत्यू झाला आहे. पोलिसांनी सांगितले की, कर्नाटक कॅडरचे 2023 बॅचचे आयपीएस अधिकारी हर्षवर्धन (26) हे मध्य प्रदेशचे रहिवासी होते. रविवारी सायंकाळी हा अपघात झाल्याचे पोलिसांनी सांगितले. हासन तालुक्यातील किट्टानेजवळ पोलीस वाहनाचे टायर फुटल्याने चालकाचा ताबा सुटुन वाहन रस्त्यावरील झाडी-झुडुपांमध्ये तसेच एक घरावर जाऊन आदळले.
उपचारादरम्यान झाला मृत्यू
पोलिसांनी दिलेल्या माहितीनुसार, होलेनरसीपूर येथील प्रोबेशनरी असिस्टंट पोलीस अधीक्षक म्हणून वर्धन हासन येथे रिपोर्ट करण्यासाठी जात होते. एका वरिष्ठ पोलीस अधिकाऱ्याने सांगितले की, वर्धन यांच्या डोक्याला गंभीर दुखापत झाली आणि रुग्णालयात उपचारादरम्यान त्यांचा मृत्यू झाला, तर चालक मंजेगौडाला किरकोळ दुखापत झाली.
पोलिसांनी सांगितले की, आयपीएस अधिकाऱ्याने नुकतेच म्हैसूर येथील कर्नाटक पोलीस अकादमीमध्ये चार आठवड्यांचे प्रशिक्षण पूर्ण केले होते. त्यांनी सांगितले की त्यांचे वडील उपविभागीय अधिकारी आहेत.
मुख्यमंत्री सिद्धरामय्या यांनी व्यक्त केला शोक
कर्नाटकचे मुख्यमंत्री सिद्धरामय्या यांनी अधिकाऱ्याच्या कुटुंबाप्रती शोक व्यक्त केला आहे. त्यांनी सोशल मीडिया प्लॅटफॉर्मवरील पोस्टमध्ये म्हटले आहे की, "हासन-म्हैसूर महामार्गावरील कित्ताने सीमेजवळ झालेल्या भीषण अपघातात प्रशिक्षणार्थी IPS अधिकारी हर्षवर्धन यांच्या मृत्यूबद्दल ऐकून दुःख झाले. ते आयपीएस अधिकारी म्हणून पदभार स्वीकारणार असतानाच असा अपघात घडला हे अतिशय खेदजनक आहे. वर्षानुवर्षे केलेल्या मेहनतीचे फळ मिळत असताना असे घडायला नको होते. हर्षवर्धनच्या आत्म्याला शांती लाभो, अशी मी देवाकडे प्रार्थना करतो.मृतांच्या कुटुंबीयांना माझ्या संवेदना.
आणखी वाचा-
)
)
)
)