Indian Railways: जनरल किंवा वेटिंग लिस्ट तिकीट घेऊन स्लीपर आणि एसी कोचमधून प्रवास केल्यास काय होतं? खरंच दंड लागतो का? रेल्वेचे हे महत्त्वाचे नियम तुम्हाला माहित असायलाच हवेत.
जनरल तिकीट असेल तर कोणत्याही कोचमध्ये प्रवास करता येतो?
अनेक जण ऐनवेळी गरजेमुळे रेल्वे प्रवासाचं नियोजन करतात. पण कन्फर्म तिकीट मिळत नसल्यानं, अनेक प्रवासी जनरल तिकीट काढून थेट स्लीपर किंवा एसी कोचमध्ये चढतात. भारतीय रेल्वेने पुन्हा एकदा इशारा दिला आहे की, हा नियमभंग अजिबात सामान्य नाही.
25
रेल्वेचा नियम काय सांगतो?
रेल्वेच्या नियमांनुसार, जनरल तिकीट फक्त अनारक्षित (unreserved) डब्यांमधून प्रवास करण्यासाठी दिलं जातं. स्लीपर किंवा एसी कोचमधून प्रवास करायचा असेल, तर त्यासाठी वेगळं आरक्षण लागतं. जर डब्यात जागा रिकामी असेल, तर तुम्ही TTE कडे अतिरिक्त शुल्क भरून तिकीट अपग्रेड करू शकता.
35
वेटिंग लिस्ट प्रवाशांनाही तोच नियम
ज्या प्रवाशांकडे वेटिंग लिस्टचं तिकीट आहे, त्यांनाही आरक्षित डब्यांमधून प्रवास करण्याची परवानगी नाही. अनेक जण ही गोष्ट माहीत नसल्यानं नियम मोडतात. पण तपासणीदरम्यान TTE कारवाई करणार हे निश्चित आहे.
जर तुम्ही जनरल तिकीट घेऊन स्लीपर कोचमध्ये सापडलात, तर तुम्हाला किमान 250 रुपये दंड होऊ शकतो. हीच चूक एसी कोचमध्ये केल्यास, दंड 440 रुपयांपर्यंत वाढू शकतो. काहीवेळा तुम्हाला पुढच्या स्टेशनवर जनरल कोचमध्ये जाण्यासही सांगितलं जाऊ शकतं.
55
प्रवासापूर्वी नियम जाणून घ्या
एक छोटासा निष्काळजीपणा तुम्हाला विनाकारण दंड आणि प्रवासात त्रास देऊ शकतो. त्यामुळे, रेल्वे प्रवासाला निघण्यापूर्वी आपल्या तिकीटाची स्थिती आणि त्यासाठी असलेले नियम नक्की तपासून घ्या. हाच एक हुशारीचा निर्णय ठरेल.
