कॅनडाच्या मंत्र्यांच्या आरोपांवर भारतचा पलटवार, संबंध तणावपूर्ण

भारत-कॅनडा वाद: भारत-कॅनडा संबंध सुधारण्याऐवजी बिघडत चालले आहेत. कॅनडाच्या मंत्र्यांनी भारताचे गृहमंत्री अमित शाह यांच्यावर केलेल्या गंभीर आरोपांमुळे वाद आणखी चिघळला आहे. परराष्ट्र मंत्रालयाने कॅनडाच्या राजनयिकाला समन्स बजावून, त्यांच्या मंत्र्यांनी केलेले आरोप निराधार आणि असत्य असल्याचे म्हटले आहे. भारताने कॅनडाच्या मंत्र्यांचे आरोप पूर्णपणे फेटाळून लावले आहेत. कॅनडाच्या मंत्र्यांनी गृहमंत्री अमित शाह यांनी खलिस्तानी अतिरेक्यांना लक्ष्य करण्याचे आदेश दिले असल्याचा आरोप केला आहे. परराष्ट्र मंत्रालयाने गुरुवारी एका कॅनेडियन राजनयिकाला बोलावले होते.