Students Protest at GMC Doda | हिजाबवरून GMC डोडात विद्यार्थ्यांचे आंदोलन

GMC डोडामधील विद्यार्थिनींनी हिजाब आणि अभाया परिधान करण्यावरून गायनॅकोलॉजी विभागाच्या HOD डॉ. मधु यांच्यावर भेदभाव आणि गैरवर्तनाचे आरोप करत आंदोलन केले. इंटर्न विद्यार्थिनींनी हिजाब सोडण्यापेक्षा इंटर्नशिप किंवा शिक्षण सोडण्याची तयारी असल्याचे सांगत न्यायाची मागणी केली. प्रशासनाने विद्यार्थ्यांची तक्रार स्वीकारून प्रकरणाच्या चौकशीसाठी समिती स्थापन केल्याचे सांगितले. हिजाबवर बंदी घालणारे कोणतेही अधिकृत पत्र प्रशासनाकडून जारी झाले नसल्याचेही स्पष्ट करण्यात आले.