हरियाणात IPS अधिकाऱ्याने जीवन संपवल्याप्रकरणी मोठा ट्विस्ट, आणखी एका पोलीस अधिकाऱ्याने संपवले जीवन; स्फोटक चिठ्ठीत ADGP वर भ्रष्टाचाराचे आरोप

Haryana Police Suicide Case: हरियाणाचे IPS अधिकारी वाय. पुरण कुमार यांनी जीवन संपवले प्रकरणाच्या तपासात एक मोठे वळण आले आहे. मंगळवारी आणखी एका पोलीस अधिकाऱ्याने वाय. पुरण कुमार यांच्यावर गंभीर आरोप करत जीवन संपवले.

Haryana Police Suicide Case: हरियाणाचे IPS अधिकारी वाय. पुरण कुमार यांनी जीवन संपवले प्रकरणाच्या तपासात एक मोठे वळण आले आहे. मंगळवारी आणखी एका पोलीस अधिकाऱ्याने वाय. पुरण कुमार यांच्यावर गंभीर आरोप करत आपले जीवन संपवले. रोहतकच्या सायबर सेलमध्ये सहाय्यक उपनिरीक्षक (ASI) म्हणून कार्यरत असलेले संदीप कुमार, वाय. पुरण कुमार यांच्यावरील भ्रष्टाचाराच्या प्रकरणाचा तपास करत होते. त्यांनी सुसाईड नोटमध्ये म्हटले आहे की, ते 'सत्यासाठी' आपल्या प्राणांची आहुती देत आहेत.

आपल्या शेवटच्या व्हिडिओमध्ये, संदीपने रोहतकचे माजी एसपी नरेंद्र बिजारनिया यांना पाठिंबा दर्शवला. एडीजीपी कुमार यांनी जीवन संपवल्यानंतर बिजारनिया यांची अचानक बदली करण्यात आली होती. 'बिजारनिया एक प्रामाणिक पोलीस अधिकारी आहेत,' असे संदीपने आपल्या वरिष्ठांची बाजू घेत म्हटले आणि विभागातील तीव्र असंतोषाकडे संकेत दिले.

विरोधी पक्षनेते राहुल गांधी यांनी पुरण कुमार यांच्या पत्नी आणि मुलींची भेट घेतल्यानंतर काही तासांतच ही दुःखद घटना घडली.

पोलिसांनी तात्काळ संदीपच्या मृत्यूच्या घटनास्थळाला वेढा घातला, वापरलेले शस्त्र जप्त केले आणि घटनेचा क्रम निश्चित करण्यासाठी फॉरेन्सिक टीमला बोलावले.

हरियाणा IPS अधिकाऱ्याने संपवले जीवन

IPS वाय. पुरण कुमार यांनी ७ ऑक्टोबर रोजी चंदीगड येथील त्यांच्या निवासस्थानी आपले जीवन संपवले. कुमार यांनी स्वतःवर गोळी झाडली आणि 'अंतिम चिठ्ठी'मध्ये हरियाणाचे डीजीपी शत्रुजीत कपूर यांच्यासह आठ वरिष्ठ पोलीस अधिकाऱ्यांवर 'जाति-आधारित भेदभाव, मानसिक छळ, सार्वजनिक अपमान आणि अत्याचार' केल्याचा आरोप केला होता.

यापूर्वी, हरियाणा सरकारने जातीय सलोखा आणि कायदा व सुव्यवस्था राखण्यासाठी कठोर दक्षता आणि समन्वित प्रयत्नांचे आवाहन करत राज्यव्यापी निर्देश जारी केले होते.